Gopichand Padalkar | “रोहित पवारांनी असा कोणता संघर्ष केला की ते ‘संघर्ष’ नावाचं पुस्तक वाटत आहेत?”; गोपीचंद पाडळकरांचा सवाल

🕒 1 min read

Gopichand Padalkar | नागपूर : राज्य विधिमंडळाच्या हिवाळी अधिवेशनाला आजपासून सुरूवात झाली. राष्ट्रवादी काँग्रेसचे आमदार रोहित पवार यांनी विधानभवन परिसरात ‘संघर्ष’ नावाच्या पुस्तकाचे वाटप केले. यावरून भाजपाचे आमदार गोपीचंद पडळकर (Gopichand Padalkar) यांनी रोहित पवार यांच्यावर जोरदार टीका केली आहे.

“सोन्याचा चमचा तोंडात घेऊन जन्माला आलेल्या रोहित पवारांना ‘संघर्ष’ शब्दाचा अर्थ तरी कळतो का?”, असा घणाघात गोपीचंद पडळकर (Gopichand Padalkar) यांनी केलाय. एका वृत्तवाहिनीशी बोलताना त्यांनी याबाबत प्रतिक्रिया दिली आहे.

ते म्हणाले, “रोहित पवार हा बिनडोक माणूस आहे. सोन्याचा चमचा तोंडात घेऊन जन्माला आलेल्या रोहित पवारांना संघर्ष शब्दाचा अर्थ तरी कळतो आहे. रोहित पवारांनी असा कोणता संघर्ष केला आहे, की ते ‘संघर्ष’ नावाचं पुस्तक वाटत आहेत, अशा शब्दात गोपीचंद पडळकर यांनी रोहित पवार यांच्यावर सडकून टीका केलीय.

“आज हे लोकं शाहू-फुले-आंबेडकरांची पुस्तकं वाटत आहेत. मात्र, शाहू-फुले-आंबेडकरांचे नाव घेण्याची पात्रता पवार कुटुंबियांची नाही. ज्या पवारांनी चार वेळा राज्याचे मुख्यमंत्रीपद भोगलं, त्यानंतर त्यांचाच पुतण्या या राज्याचा उपमुख्यमंत्री, जलसंपदा मंत्री आणि अर्थमंत्री होतो आहे. त्यांचीच मुलगी परत खासदार होते, त्यांचाच नातू परत आमदार होतो, हे शाहू-फुले-आंबेडकरांच्या कोणत्या पुस्तकात लिहिले आहे?”, असा सवालही त्यांनी केला.

महत्वाच्या बातम्या :

• Winter Session 2022 | अमित शहांसोबतच्या बैठकीत काय घडलं? एकनाथ शिंदेंचे अजित पवारांच्या प्रश्नावर उत्तर
• Eknath Shinde | सीमाप्रश्नावरून मुख्यमंत्र्यांनी विरोधकांना चांगलंच सुनावलं; म्हणाले, “भुजबळांनी मार खाल्ला आणि त्यांच्यामुळे…”
• Winter Session 2022 | बोम्मई यांच्या ट्विटमागे कोणता पक्ष? लवकरच कळेल ; एकनाथ शिंदेंचे विरोधकांना उत्तर
• Winter Session 2022 | अडीच महिन्याच्या बाळाला घेऊन ‘या’ आमदार पोहोचल्या अधिवेशनात ; ‘हिरकणी’ कक्षाची केली मागणी
• Winter Session 2022 | गृहमंत्र्यांच्या बैठकीनंतर सुद्धा कर्नाटक सरकारची मुजोरी कायम ; सीमाप्रश्नावर अजित पवार आक्रमक