इंग्लंड : डब्ल्यूटीसीच्या अंतिम सामन्याला शनिवार पासून सुरुवात झाली आहे. या सामन्यासाठी कर्णधार विराट कोहलीने सहा बॅट्समन आणि पाच बोलर्सच्या साथीने उतरण्याचा निर्णय घेतला. टीम इंडियाने अनुभवी गोलंदाजांसोबत टेस्ट चॅम्पियनशिपचा अंतिम सामना खेळण्याचं ठरवलं.
तर दुसरीकडे म्हणजेच न्यूझीलंड संघाने टीममध्ये एकाही स्पिनरला संधी दिलेली नाही. न्यूझीलंडकडे काईल जेमिसन, निल वॅगनर, टीम साऊदी, ट्रेन्ट बोल्ट आणि कॉलिन डे ग्रॅण्डहोम या पाच फास्ट बॉलर्सचा टीममध्ये समावेश केला आहे. यावरूनच ऑस्ट्रेलियाचा माजी लेगस्पिनर शेन वॉर्नने एक स्पिनरची निवड न केल्यामुळे नाराजी व्यक्त केली होती.
वॉर्ननं ट्विट करत लिहिले होते की, ” न्यूझीलंडनं आयसीसी वर्ल्ड टेस्ट चॅम्पियनशिपच्या फायनलमध्ये एकही स्पिनर खेळवलेला नाही. त्यामुळे मी खूप निराश आहे. हे पिच स्पिनर्सना मोठी मदत करणार आहे, असं दिसत आहे. तसं खरंच झालं आणि भारताने 275-300 पेक्षा जास्त रन काढले तर मॅच संपलीच म्हणून समजा. त्यानंतर फक्त हवामानच तुम्हाला वाचवू शकेल.” असं भविष्य वॉर्ननं व्यक्त केलं आहे.
Frame this, @ShaneWarne and try to understand some spin ???? pic.twitter.com/jHpacxg9CQ
— Virender Sehwag (@virendersehwag) June 19, 2021
शेन वॉर्नच्या या ट्वीटवर चाहत्यांनी तीव्र प्रतिक्रिया व्यक्त केली. इतकेच नव्हे, तसेच वॉर्न ट्वीटची खिल्ली देखील उडविली आहे. ‘फिरकी गोलंदाजी कशी कार्य करते हे तुम्हाला माहीत आहे का? खेळपट्टी कोरडी राहिल्यावर फिरकी काम करते. पण साऊथम्प्टनमध्ये पाऊस पडत आहे, त्यामुळे खेळपट्टी ओली आहे’, असे एका चाहत्याने वॉर्नला ट्वीट करत सांगितले.
या ट्वीटवर भारताचा माजी फलंदाज वीरेंद्र सेहवागने वॉर्नची मजा घेतली. त्याने वॉर्न आणि या चाहत्याचे ट्वीट रिट्वीट करत म्हटले, ”वॉर्न, ही प्रतिक्रिया फ्रेम करून ठेव आणि फिरकी गोलंदाजी समजण्याचा प्रयत्न कर.’ अशी प्रतिक्रिया सेहवागने दिली आहे.
महत्वाच्या बातम्या
- डब्ल्युटीसी फायनल! तिसऱ्या दिवशी न्युझीलंड २ बाद १०१
- ‘जडेजा-अश्विनची जोडी टीम इंडियासाठी ठरणार गेम चेंजर’ ; दिग्गज खेळाडूचा दावा
- ….त्या दिवशी क्रिकेट सोडून देईन, निवृत्तीवर अश्विनचे मोठे विधान
- दक्षिण अफ्रिकेविरुद्धच्या कसोटीत वेस्ट इंडिजसमोर विजयासाठी ३०९ धावांचे लक्ष्य
- …अन् विराट कोहली मैदानात करू लागला भांगडा , पाहा भन्नाट व्हिडीओ
