मुंबई : सध्या मशिदींवरील भोंग्यांवरुन वातावरण चांगलंच तापलेलं असताना पाहायला मिळत आहे. अशातच काल गुरुवारी एमआयएमचे नेते अकबरुद्दीन ओवैसी हे औरंगाबादेत आले आणि त्यांनी औरंगजेबाच्या कबरीला भेट दिली. यावरुन शिवसेनेसोबतच इतर राजकीय पक्षांनी ओवैसींवर निशाणा साधला आहे. शिवसेनेचे नेते संजय राऊत यांनी थेट ओवैसींना इशाराच दिला आहे.
संजय राऊत म्हणाले, “औरंगजेबाच्या कबरीचं दर्शन हा रितीरिवाज असू शकत नाही. संभाजीनगरला वारंवार यायचं आणि औरंगजेबाच्या कबरीपुढे गुडघे टेकायचे. यातून जर महाराष्ट्रात अशांतता निर्माण करायची असं काही तरी राजकारण ओवैसींचं दिसत आहे. मी इतकंच सांगेन की, त्या औरंगजेबाची कबर महाराष्ट्राच्या मातीत मराठ्यांनी बांधली. त्याला कबरीत आम्ही टाकलं. महाराष्ट्रावर चाल करणारा हा मुघल राजा. तुम्ही आज कबरीवर येऊन नमाज पडत आहात… कधीतरी तुम्हालाही त्याच कबरीत जावं लागेल”.
महत्वाच्या बातम्या –
