🕒 1 min read
सोलापूर : उजनी धरण जुलै महिन्यातच मृतसाठ्यातून बाहेर आले तरी दमदार पाऊस न झाल्याने धरणातील पाणीसाठा दोन टक्क्याने कमी झाला आहे. जुलैअखेरीस उजनी धरणात ६३ टक्के पाणीसाठा होता. पण सप्टेंबर महिन्यात त्यात घट होऊन ६२ टक्क्यांवर आला आहे. यामुळे सप्टेंबर महिन्यात धरणक्षेत्र परिसरात दमदार पाऊस झाला तरच उजनी १०० टक्के होण्याची शक्यता आहे. उजनी धरणात ७ सप्टेंबर रोजी एकूण ९६.७७ टीएमसी साठा असून, उपयुक्त पाणीसाठा ३३.६० टीएमसी आहे.
पुणे जिल्ह्यातील पाऊस गडप झाल्याने उजनी धरणातील पाण्याची पातळी ६२ टक्क्यांवरून ६० टक्क्यांपर्यंत खालावली होती. सध्या दौंड परिसरात संततधार सुरू असल्याने दौंडमधून उजनीमध्ये ४९५० क्युसेकनी विसर्ग सुरू आहे. दोन दिवसामध्ये उजनीत दोन टक्क्यांनी पाणीसाठा वाढला आहे. बुधवारी ६२.७० टक्क्यांपर्यंत पाण्याची पातळी पोहोचली आहे.
पुणे जिल्ह्यातील घाटमाथ्यावर दमदार पावसाची आवश्यकता आहे. आता महिनाभरात पावसाळा संपणार आहे. तरीही यंदा धरणे भरलेली नाही. अशीच परिस्थिती राहिल्यानंतर उन्हाळ्यात पाण्याची चिंता वाढणार आहे. बुधवारी सायंकाळी उजनीची एकूण पाणीपातळी ४९५ मीटर होती, तर एकूण पाणीसाठा ९७.२० टीएमसी होता. उपयुक्त पाणीसाठ्याचा ३३.६० टीएमसी झाला आहे, तर टक्केवारी ६२.६० टक्के झाली आहे.
मागील वर्षी उजनी धरणात याच दिवशी एकूण १२२.३६ टीएमसी पाणीसाठा होता, यापैकी ५८.७० टीएमसी उपयुक्त पाणीसाठा होता. त्याची टक्केवारी १०९ टक्के होती. पण यंदा ऑगस्ट महिन्यात पावसाचा खंड पडल्याने उजनी धरणातून पुणे जिल्ह्यात पुरेसा विसर्ग आलाच नाही. सप्टेंबर महिन्यातही त्यात वाढ होण्याची शक्यता कमीच आहे.
मध्यम प्रकल्पात ५७.२२ टक्के पाणीसाठा
जिल्ह्यात सात मध्यम प्रकल्पात सरासरी ५७.२२ टक्के पाणीसाठा आला आहे. यामध्ये बोरी व पिंपळगाव ढाळे मध्यम प्रकल्प १०० टक्के भरले आहेत. हिप्परगा ६०, हिंगणी ३८, जवळगाव ७३, मांगी २१, आष्टी ४४ टक्के भरले आहेत. मध्यम प्रकल्प भरण्यासाठीही दमदार पावसाची गरज असणार आहे. उर्वरित सप्टेंबरमध्ये दमदार पाऊस झाल्यास मध्यम प्रकल्प भरण्यास मदत होणार आहे.
महत्त्वाच्या बातम्या
- मराठवाड्यातील शाळांच्या विकासासाठी ठाकरे सरकारचा मोठा निर्णय; शिक्षणमंत्र्यांची माहिती
- भाजपसोबत ‘डील’ केल्यानेच परमवीरसिंग NIA चे आरोपी नाहीत – राष्ट्रवादी
- एकनाथ खडसेंनी जमीन खरेदीत गैरव्यवहार केल्याचं स्पष्ट दिसतंय- ईडी
- ‘माझ्या बहिणीच्या पाठीशी मी सदैव आहेच!’, धनंजय मुंडेंचे सूचक वक्तव्य
- ‘नीलम गोऱ्हे राज्यात महिलांवर तालिबानी अत्याचार होत असताना आता कोठे आहेत ?
बातम्यांसाठी YouTube चॅनेल Subscribe करा
Subscribe Now
