लातूर : कोरोना काळात हजारो रुग्णांचे जीव वाचवणाऱ्या डॉक्टरांवरच आंदोलन करण्याची वेळ आलीय. आश्वासनांचा बाजार बंद करा असा इशारा देत स्व. विलासराव देशमुख शासकीय विज्ञान आणि संशोधन संस्थेमधील इंटर्न डॉक्टरांनी काम बंद आंदोलन केले. इतकेच नाही तर या डॉक्टरांनी कोव्हीड वार्डात रुजू होण्यासही नकार दिलाय.
राज्यात कोरोना रुग्ण संख्या वाढत असताना डॉक्टरांच्या संपामुळे कोरोना रुग्णांवरील उपचारावर परिणाम होण्याची शक्यता आहे. लातूर जिल्ह्यातील १५४ इंटर्न डॉक्टरांची कोरोना रुग्णांवरील उपचारासाठी कोव्हीड वार्डात नियुक्ती करण्यात आली आहे. मात्र, आम्हाला अत्यंत कमी मानधन दिले जात असल्याचा आरोप या डॉक्टरांनी केलाय. या डॉक्टरांना १० हजार ८०० रुपये मानधन दिले जाते. मात्र, या डॉक्टरांनी ५० हजार रुपये मानधन देण्याची मागणी केली आहे.
वास्तविक मुंबई महानगरपालिकेच्या वतीने इंटर्न डॉक्टरांना ५० हजार रुपये मानधन देण्यात येते. त्यामुळे आमचेही मानधन वाढवण्यात यावे, विमा संरक्षण देण्यात यावे, आजारी पडल्यास उपचाराची जबाबदारी शासनाने घ्यावी अशा प्रमुख मागण्या या डॉक्टरांनी केल्या आहेत.
महत्त्वाच्या बातम्या
- महाराष्ट्र सावरतोय : नव्या कोरोना रुग्णांच्या संख्येत घट तर ६० हजाराहून अधिक रुग्ण कोरोनामुक्त
- लोकांना भेटायला मी काय सरपंच आहे का ?, शिवसेना खासदाराचे बेताल वक्तव्य !
- ‘गडकरींकडे सूत्रे सोपवण्याची मागणी मोदींनी मान्य केली असती, तर ही वेळ आलीच नसती’
- ‘देशाच्या पंतप्रधानांनी केलेल्या कौतुकाच व्हिटॅमिन घेऊन अजून जबाबदारीने काम करणाऱ्यांची गरज’
- ‘खट्याळ मुलं पण शांत होतात, पण यांचा थयथयाट थांबत नाही’
बातम्यांसाठी YouTube चॅनेल Subscribe करा
Subscribe Now
