“विद्यापीठ कायद्यात करण्यात आलेले बदल मागे घ्या, अन्यथा…”; अभाविपचा इशारा

पालघर : येथील सोनोपंत दांडेकर महाविद्यालयात राज्य सरकारने विद्यापीठ कायद्यात केलेले बदल मागे घेण्यासाठी अभाविपने स्वाक्षरी अभियान घेतले. राजकीय स्वार्थासाठी महाराष्ट्र सार्वजनिक विद्यापीठ कायद्यात बदल करण्याचा निर्णय घेण्यात आला. या निर्णयावर कोणतीही चर्चा होऊ न देता लोकशाही पायदळी तुडवून गोंधळाच्या वातावरणात शिक्षणाच्या गुणवत्तेवर विपरीत परिणाम करणारे बदल करून विद्यापीठ कायदा असंविधानिक पद्धतीने पारित केला, असा आरोप देखील अभाविपने केला आहे.

“बदल केलेल्या विद्यापीठ कायद्यामुळे शिक्षण क्षेत्रात राजकीय हस्तक्षेप वाढून मोठ्या प्रमाणात भ्रष्टाचार वाढणार आहे.विद्यापीठांच्या स्वायतत्तेवर नियंत्रण आणण्याचा प्रयत्न राज्यशासन करीत आहे. विद्यापीठ कायद्यात करण्यात आलेले बदल मागे घेण्यात यावे, यासाठी अभाविप राज्यभरातील महाविद्यालयात स्वाक्षरी अभियान राबवत आहे. विद्यापीठ कायद्यात करण्यात आलेले बदल मागे घ्या, अन्यथा तीव्र आंदोलन करण्यात येईल.”, असा इशारा अभाविप प्रदेश सह मंत्री योगेश्वर पुरोहित यांनी दिली.

यावेळी सहमंत्री योगेश्वर पुरोहित, प्रदेश अग्रिव्हीजन संयोजक प्रथमेश रासकर, पालघर बोईसर शहर मंत्री अमोल पाटील हे उपस्थित होते.

महत्वाच्या बातम्या:

• “पायाखालची वाळू घसरली की…”; सोमय्यांना शिवसैनिकांनी केलेल्या धक्काबुक्कीनंतर चंद्रकांत पाटलांची प्रतिक्रिया
• Shivsena VS BJP : पुण्यात शिवसैनिकांचा राडा; किरीट सोमय्यांना केली धक्काबुक्की
• अभिनेत्री किशोरी शहाणे यांच्या गाडीचा भीषण अघपात, अपघातानंतर भावूक पोस्ट शेअर
• घोळ झाला… अन् राज्यपालांनी विचारलेल्या झाडाचे नाव एकाही मंत्र्याला सांगता आले नाही…
• अफगाणिस्तानचा मोहंमद शेहजाद अडकला मोठ्या वादात ; फोटो व्हायरल