मुंबई : २२ वेळचा ग्रँडस्लॅम चॅम्पियन राफेल नदालने आठव्यांदा विम्बल्डन ओपन (Wimbledon 2022) स्पर्धेच्या उपांत्य फेरीत धडक मारली आहे. आता रविवारी त्याचा सामना ऑस्ट्रेलियाच्या निक किर्गिओसशी होणार आहे. उपांत्यपूर्व फेरीच्या सामन्यात राफेल नदालने टेलर फ्रिट्झचा ३-६, ७-५, ३-६, ७-५, ७-६ असा पराभव केला. या विजयासह नदालने कारकिर्दीतील ग्रँडस्लॅमचे स्वप्न जिवंत ठेवले आहे. त्याने ऑस्ट्रेलियन ओपन आणि फ्रेंच ओपन जिंकले आहे, तर करिअर ग्रँडस्लॅम पूर्ण करण्यासाठी त्याला विम्बल्डन आणि यूएस ओपन जिंकणे आवश्यक आहे.
उपांत्यपूर्व फेरीच्या सामन्यात नदालने पहिला सेट गमावला होता आणि दुसऱ्या सेटमध्ये त्याला मेडिकल टाइमआऊट करावे लागले होते, परंतु त्याने हार मानली नाही आणि अखेरीस चार तास २१ मिनिटे चाललेला सामना जिंकला. नदाल म्हणाला: “बर्‍याच दिवसांपासून मला वाटले होते की मी सामना पूर्ण करू शकणार नाही पण गर्दी आणि ऊर्जा, त्याबद्दल धन्यवाद. मी खरे सांगेन, अशा प्रकारचे सामने समोर खेळताना खूप मजा येते. तुमच्या पाठिंब्याबद्दल मी तुमचे कितीही आभार मानले तरी ते पुरेसे होणार नाही.”
Just @RafaelNadal things ????
The champion comes back to defeat Taylor Fritz in a five-set epic, 3-6, 7-5, 3-6, 7-5, 7-6(4)#Wimbledon | #CentreCourt100 pic.twitter.com/G7Luqy8lSH
— Wimbledon (@Wimbledon) July 6, 2022
Then there were four. #Wimbledon | #CentreCourt100 pic.twitter.com/EyRVCtOvHW
— Wimbledon (@Wimbledon) July 6, 2022
"For a lot of moments I was thinking maybe I will not be able to finish the match"
The mentality of a champion who never quits#Wimbledon | #CentreCourt100 | @RafaelNadal pic.twitter.com/PEKGN1R9fU
— Wimbledon (@Wimbledon) July 6, 2022
नदालने या वर्षी कारकिर्दीतील ग्रँडस्लॅम पूर्ण केल्यास, १९७९ मध्ये रॉड लेव्हरनंतर ही कामगिरी करणारा तो दुसरा खेळाडू ठरेल. यासोबतच त्याला २३वे ग्रँडस्लॅम जिंकण्याचीही संधी आहे. सर्वाधिक ग्रँडस्लॅम जिंकण्याच्या बाबतीत नदाल सध्या सेरेना विल्यम्ससोबत दुसऱ्या स्थानावर आहे. दोघांनी २२ ग्रँडस्लॅम जिंकले आहेत. मार्गारेट कोर्टने सर्वाधिक २४ ग्रँडस्लॅम जिंकले आहेत.
महत्त्वाच्या बातम्या –
