🕒 1 min read
मुंबई : भारताचा माजी कर्णधार महेंद्रसिंह धोनी आज ४१ वर्षांचा झाला आहे. भारतासाठी तीन आयसीसी विजेतेपद पटकावणारा धोनी सध्या इंग्लंडमध्ये कुटुंबासोबत सुट्टी घालवत आहे. ४ जुलै रोजी त्याच्या लग्नाचा १२वा वाढदिवस होता. यंदा धोनीने कुटुंब आणि मित्रांसोबत खास सेलिब्रेशन केले. त्याच्या वाढदिवसाच्या सेलिब्रेशनचा व्हिडिओ पत्नी साक्षी धोनीने इन्स्टाग्रामवर शेअर केला आहे. धोनीही नव्या लूकमध्ये दिसत आहे.
व्हिडिओमध्ये भारतीय विकेटकीपर फलंदाज ऋषभ पंतही दिसत आहे. पंत सध्या भारतीय क्रिकेट संघासोबत इंग्लंड दौऱ्यावर आहे. तो आज गुरुवारी (७ जुलै) इंग्लंडविरुद्ध होणाऱ्या पहिल्या टी-२० संघाचा भाग नाही. यामुळे त्याने धोनीसोबत खूप धमाल केली.
https://www.instagram.com/p/CfsExi5gMgO/
धोनी हा क्रिकेटच्या इतिहासातील एकमेव कर्णधार आहे ज्याने तीन आयसीसी विजेतेपदे जिंकली आहेत. त्याच्या नेतृत्वाखाली भारताने २००७ मध्ये पाकिस्तानचा पराभव करून टी-२० विश्वचषक जिंकला होता. त्यानंतर २०११ मध्ये भारतीय संघाने एकदिवसीय विश्वचषक स्पर्धेच्या अंतिम सामन्यात श्रीलंकेचा पराभव केला. त्याच वेळी, २०१३ मध्ये टीम इंडियाने इंग्लंडच्या भूमीवर त्याच्या नेतृत्वाखाली चॅम्पियन्स ट्रॉफी जिंकली होती. धोनीनंतर भारतीय संघाला ९ वर्षे आयसीसीचे जेतेपद मिळवता आलेले नाही.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
