मुंबई: कोल्हापूरचे संभाजीराजे छत्रपती यांना अगोदर शिवसेना प्रवेश तरच राज्यसभेची संधी अशी ऑफर देण्यात आली होती, मात्र संभाजीराजेंनी ही ऑफर नाकारली आहे. आता राज्यसभेच्या सहाव्या जागेवर कोल्हापूरचे शिवसेना नेते संजय पवार यांचे नाव निश्चित झाल्याची माहिती शिवसेना खासदार संजय राऊत यांनी दिली आहे. यावरूनच भाजप तसेच संभाजी राजेंच्या समर्थकांकडून टीका केली जात आहे. आता शिवसेना नेत्या दिपाली सय्यद (Deepali Syed) यांनी थेट भाजपवर निशाणा साधला आहे.
“छत्रपती संभाजीराजे भाजपवर ऐवढे नाराज का आहेत? भाजपतुन बाहेर जाण्याचा निर्णय त्यांनी का घेतला? भाजप त्यांना थांबवून दुसरी जागा का देत नाही? फक्त निवडणुकी पुरते भाजपला छत्रपती हवे होते का? याचे स्पष्टीकरण भाजपला द्यावेच लागणार!”, असे ट्वीट दिपाली सय्यद यांनी केले आहे.
छत्रपती संभाजीराजे भाजपावर ऐवढे नाराज का आहेत ? भाजपातुन बाहेर जाण्याचा निर्णय त्यांनी का घेतला? भाजपा त्यांना थांबवून दुसरी जागा का देत नाही? फक्त निवडणुकी पुरता भाजपाला छत्रपती हवे होते का? याचे स्पष्टीकरण भाजपा ला द्यावेच लागणार! @bjpsamvad @ShivSena
— Deepali Sayed (@deepalisayed) May 25, 2022
दरम्यान मी कोणत्याच पक्षाच्या बंधनात अडकणार नसल्याचे संभाजीराजे यांनी म्हटले आहे. तर छत्रपतींचा, त्यांच्या घराण्याचा सन्मान राखण्यासाठी शिवसेनेच्या कोट्यातली एक जागा आम्ही संभाजीराजेंना द्यायला तयार झालो. यापेक्षा शिवसेना अजून काय करू शकते हे सांगावं. असे संजय राऊत यांनी म्हटले आहे.
महत्वाच्या बातम्या:
- चंद्रकांत पाटलांच्या ‘त्या’ वक्तव्यानंतर विद्या चव्हाण यांनी दिले जेवणाचे आमंत्रण; म्हणाल्या…
- “चंद्रकांत पाटलांनी समस्त महिला वर्गाची माफी मागावी, अन्यथा…”, अमोल मिटकरींचा इशारा
- “तुम्ही राजकारणात कशासाठी राहता, घरी जा आणि स्वयंपाक करा”, चंद्रकांत पाटलांचा सुप्रिया सुळेंना सल्ला
- “अमेरिकन कायदे खूप सैल आणि…”, ‘त्या’ घटनेवर पी. चिदंबरम यांची प्रतिक्रिया
- “एकीकडे महाराष्ट्रात साधूंना ठेचून मारलं जातं, दुसरीकडे…”, ‘मनसे’चा टोला
