मुंबई: टी २० मालिकेत विश्रंती घेतल्यानंतर भारतीय संघाचा स्टार फलंदाज विराट कोहली १००व्या कसोटी सामन्यासाठी नेट्सयामध्ये घाम गाळताना दिसत आहे. आपल्या कारकिर्दीत अजून एक बहुमान मिळवण्याच्या वाटेवर असलेल्या विराटने मोहाली मध्ये प्रॅक्टिस सुरु केले आहे. मात्र चाहत्यांमध्ये आनंदाच्या वेळीही निराशा आहे. कोरोनाचे प्रसार बघता कोहलीच्या श्रीलंका विरुद्ध भारत ऐतिहासिक कसोटी सामन्याला प्रेक्षकांची परवानगी नाकारण्यात आली आहे.
PCA ने विराट कोहलीच्या (virat kohli) मैलाचा दगड असलेल्या कसोटीसाठी स्टेडियमकडे जाण्याच्या मार्गावर होर्डिंग्ज लावले आहेत तरीही चाहत्यांना विराटला खेळताना पाहता येणार नाहीये. “कोरोना आणि हातात कमी वेळ असल्यामुळे सामना बंद दरवाजाआड प्रेक्षकांच्या विना आयोजित करण्याचे बीसीसीआयचे (BCCI) निर्देश होते. आम्ही आधी एक T20 आणि दुसरी कसोटी आयोजित करणार होतो, पण नंतर वेळापत्रक बदलले,” अशी माहिती पंजाब क्रिकेट असोसिएशनचे सीईओ दीपक शर्मा यांनी दिली आहे.
गेल्या सहा महिन्यांत कोहलीच्या कारकिर्दीत बरेच काही घडले. UAE मध्ये झालेल्या T20 विश्वचषकापर्यंत तो एकदिवसीय, T20 आणि कसोटी कर्णधार होता. नोव्हेंबरमध्ये संपलेल्या स्पर्धेनंतर तो टी-२० कर्णधारपदाचा राजीनामा देत असल्याची घोषणा केली. त्यानंतर त्याचे एकदिवसीय कर्णधारपद काढण्यात आले आणि त्यानंतर यावर्षी त्याने कसोटीचे कर्णधारपद सोडले. दोन वर्षांहून अधिक काळ आंतरराष्ट्रीय शतक न झळकावणारा कोहली आपल्या १०० व्या कसोटीत मोहालीत अपेक्षित फलंदाजीच्या विकेटवर चांगली कामगिरी करण्यास उत्सुक असेल. ८,००० धावांचा टप्पा गाठण्यासाठी तोफक्त ३८ धावांनी कमी आहे.
महत्वाच्या बातम्या
- राज्यपालांच्या वक्तव्यावर मिटकरींची प्रतिक्रिया; म्हणाले,“तुमच्या ‘चहा’छाप सैनिकांनी…”
- कोश्यारींनी केलेल्या व्यक्तव्याच्या निषेधार्थ राष्ट्रवादीकडून पुणे महापालिकेत आंदोलन
- “आणि तो आफ्रिकेसाठी खेळतानाही ५० हजार प्रेक्षक एबीडीचे नाव ओरडत होते”; विराट कोहलीने सांगितले चाहत्यांचे प्रेम
- भगतसिंग कोश्यारींविरोधात सोलापुरात शिवसेना आक्रमक
- “महाराष्ट्रात निवडणुका असत्या तर ‘ऑपरेशन सह्याद्री’ असतं”, केंद्र सरकारला राऊतांचा खोचक टोला
