🕒 1 min read
मुंबई : न्यूझीलंडचा महान फलंदाज रॉस टेलरने काल आपल्या आंतरराष्ट्रीय कारकिर्दीला निरोप दिला. हॅमिल्टनमधील नेदरलँड्सविरुद्धचा एकदिवसीय सामना हा टेलरच्या कारकिर्दीतील शेवटचा सामना ठरला. या अनुभवी खेळाडूला न्यूझीलंडच्या सर्वोत्कृष्ट खेळाडूंपैकी एक मानले जाते आणि त्याने दीर्घकाळ संघाच्या यशात योगदान दिले आहे.
आपल्या १६ वर्षांच्या आंतरराष्ट्रीय कारकिर्दीत, टेलरने ११२ कसोटी, २३६ एकदिवसीय आणि १०२ टी-२० आंतरराष्ट्रीय सामने खेळले. रॉस टेलरने २००६ मध्ये एकदिवसीय आणि टी-२० क्रिकेटमध्ये पदार्पण केले, तर पुढील वर्षी त्याने कसोटी पदार्पण केले. टेलरच्या निवृत्तीबद्दल जगभरातील दिग्गज खेळाडूंच्या प्रतिक्रिया समोर आल्या आणि त्यात भारताचा माजी कर्णधार विराट कोहलीचाही समावेश आहे.
न्यूझीलंड क्रिकेटने ट्विटरवर एक व्हिडिओ क्लिप शेअर केली आहे, ज्यामध्ये विराटने टेलरचे त्याच्या शानदार कारकिर्दीबद्दल अभिनंदन केले आहे आणि त्याला एक लीजेंड म्हटले आहे. ”रॉस टेलरचे न्यूझीलंडमधील अप्रतिम कारकीर्दीबद्दल अभिनंदन. न्यूझीलंड क्रिकेटसाठी तू एक लीजेंड आहेस. तू खेळाचा उत्तम राजदूत आहेस. आम्ही एकत्र काही छान आठवणी शेअर केल्या. ऑल द बेस्ट रॉस. मला खात्री आहे की इतक्या वर्षांपासून असलेले ते आयकॉनिक हास्य आजही तुझ्या चेहऱ्यावर असेल”, असे विराटने म्हटले.
महत्त्वाच्या बातम्या –
- “…याबद्दल आव्हाडांना कधी पुळका आला नाही”, अविनाश जाधवांचा हल्लाबोल
- “त्यांना भोंगा, मशीद, मुस्लमान अशा गोष्टी ऐकायला आल्या की…”; जितेंद्र आव्हाडांच्या टीकेवर मनसेचे प्रत्युत्तर
- “महाराष्ट्र पेटवू नका”, जितेंद्र आव्हाडांची राज ठाकरेंना विनंती
- “पवार साहेब काय आहेत हे एकदा मोदीजींना विचारा”, अमोल मिटकरींचा चंद्रकांत पाटलांना टोला
- “लाव रे तो व्हिडीओ आणि आता …”, जितेंद्र आव्हाडांचा राज ठाकरेंना जोरदार टोला
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
बातम्यांसाठी YouTube चॅनेल Subscribe करा
Subscribe Now
