मुंबई : गेल्या काही दिवसांपासून दसरा मेळाव्यावरून राज्याचं राजकीय वातावरण तापलं आहे. याआधी शिंदे गटाचा दसरा मेळावा बीकेसी मैदानावर होणार असल्याची माहिती समोर येत होती. मात्र, हा दसरा दसरा मेळावा शिवतीर्थावरच व्हायला हवा अशी भूमिका मुख्यमंत्री एकनाथ शिंदे यांनी मांडली आहे. यावरून शिवसेना पक्षाचे नेते विनायक राऊत यांनी एकनाथ शिंदे यांच्यावर हल्ला केला आहे.
काय म्हणाले विनायक राऊत ?
शिवतीर्थावर मेळावा घेण्याची यांची लायकी नाही, असं म्हणत विनायत राऊत यांनी एकनाथ शिंदे यांच्यावर निशाणा साधला आहे. विनायक राऊत यांनी प्रसारमाध्यमांशी संवाद साधला, त्यावेळी ते बोलत होते.
कोणत्याही परिस्थितीमध्ये शिवतीर्थावर शिवसेनेचा दसरा मेळावा झालाच पाहिजे, अशा विचारांचे संपूर्ण शिवसैनिक आहेत आणि त्याचबरोबर संपूर्ण शिवसेना आहे. त्याचबरोबर कोणत्याही परिस्थितीमध्ये मुंबई महानगर पालिकेने शिवसेनेलाच तिथे शिवतीर्थावर दसरा मेळावा घेण्याची परवानगी देणं महानगरपालिकेला क्रमप्राप्त आहे. त्यांनी जर ही परवानगी नाकारली, तर कोणत्या पद्धतीने पगवानगी घ्यायची हे शिवसेनेला माहिती असल्याचंही विनायक राऊत यांनी म्हटलं आहे.
तसेच, शिंदे गटाच्या नेत्यांकडून एकनाथ शिंदे यांनीच शिवतीर्थावर दसरा मेळावा घ्यावा असं बोललं जात आहे. यावर विनायक राऊत यांनी भाष्य केलं आहे. ते म्हणाले की, त्यांचा आधिकार काय, त्यांची लायकी तरी आहे का शिवतीर्थावर दसरा मेळावा घ्यायची. पुढे ते असंही म्हणाले की, शिवतीर्थावर दसरा मेळावा घेण्याचा आधिकार पहिला बाळासाहेब ठाकरे यांचा होता आणि आता तो आधिकार उद्धव ठाकरे यांचा असून तो कायम त्यांचाच राहणार असल्याचं राऊत यांनी सांगितलं.
महत्वाच्या बातम्या :
- Supriya Sule । मुख्यमंत्र्यांनी घरगुती दौरे बंद करावेत आणि राज्याच्या विकासासाठी काम करावं; सुप्रिया सुळेंचा सल्ला
- Jayant Patil | विधानसभेतील ‘तो’ व्हिडीओ ट्विट करत जयंत पाटलांचा मुख्यमंत्र्यांना सवाल, म्हणाले…
- Ajit Pawar । पहिल्यांदाच ‘अजित पवारांना मुख्यमंत्री करा’, अशी ठाम मागणी, पाहा कुणी केलीय?
- Amit Satam | “वेदांता-फॉक्सकॉन संदर्भात जयंत पाटीलांनी केलेला दावा सपशेल खोटा”
- BCCI। सौरव गांगुली पुन्हा होणार बीसीसीआयचे अध्यक्ष?; सर्वोच्च न्यायालयाने दिला मोठा निर्णय
