नागपूरकरांना मोठा दिलासा : तुकाराम मुंढेंनी घेतला मोठा निर्णय…

🕒 1 min read

नागपूर : नागपूर महानगरपालिका प्रशासन नागरिकांच्या सुविधेसाठी निरनिराळे प्रयत्न करत आहेत. शहरालगतच्या गावातील शेतकऱ्यांशी कृषी विभागाच्या माध्यमातून संपर्क साधण्यात आला असून त्यांना फोन केला की त्यांच्या माध्यमातून भाजीपाला घरपोच उपलब्ध होणार आहे.

भाजीपाला, दूध आणि दुग्धजन्य पदार्थांसाठी सुमारे 140 विक्रेत्यांची यादी मोबाईल क्रमांकासह प्राप्त झाली असून ही यादी मनपाच्या अधिकृत वेबसाईट आणि फेसबुक पेजवर उपलब्ध आहे. ह्या यादीमधील मोबाईल क्रमांकावर फोन करुन नागरिकांना भाजीपाला मागवता येणार आहे.

शहरात भाजीपाल्याची टंचाई भासू नये यासाठी मनपा आयुक्त तुकाराम मुंढे यांनी कृषी विभागाच्या सहकार्याने लगतच्या गावातून शहरात भाजीपाला आणण्याची व्यवस्था केली आहे. अशा विक्रेत्यांची मोबाईल क्रमांकासह यादी…@SandipJoshiNGP @Tukaram_IndIAS @trafficngp @NagpurPolice @TOI_Nagpur pic.twitter.com/O8QtpHXtOw

— Nagpur Municipal Corporation (@ngpnmc) March 27, 2020

किराणा सामानासारखेच आता नागपूरकरांना भाजी घरपोच मिळण्याची व्यवस्था मनपा आयुक्त तुकाराम मुंढे यांच्या पुढाकारातून करण्यात आली आहे. खास नागपूरकरांसाठी घरपोच सेवा देणाऱ्या भाजी विक्रेत्यांची मोबाईल क्रमांकासह यादी..@SandipJoshiNGP @Tukaram_IndIAS @TOI_Nagpur @NagpurPolice @ANI pic.twitter.com/vwL23geV0n

— Nagpur Municipal Corporation (@ngpnmc) March 27, 2020

तसेच काही औषधी दुकाने 24 तास सुरु ठेवण्याचा आणि शहरातील 45 दुकानातून घरपोच किराण्याची व्यवस्था केल्यानंतर आता भाज्या आणि दुग्धजन्य पदार्थ घरपोच मिळण्याचीही व्यवस्था मनपा आयुक्त तुकाराम मुंढे यांच्या प्रयत्नातून आणि पुढाकारातून करण्यात आली आहे.

दरम्यान, मनपा आयुक्त तुकाराम मुंढे यांनी ’15 एप्रिलपर्यंत अनावश्यक कामासाठी मुळीच बाहेर पडू नये. कोरोनापासून बचावासाठी ही सोय आहे. त्यामुळे या सेवेचा लाभ नागरिकांनी घ्यावा, असे आवाहन केले आहे.