🕒 1 min read
पुणे: थोड्याच वेळात मनसे अध्यक्ष राज ठाकरे (Raj Thackeray) यांची पुण्यात आज २२ मे रोजी (रविवारी) सभा होणार आहे. पुण्याच्या स्वारगेट परिसरातील गणेश कला क्रीडा रंगमंच येथे राज ठाकरे यांची सकाळी १० वाजता जाहीर सभा होणार आहे. या सभेत राज ठाकरे काय बोलणार याकडे सर्वांचे लक्ष लागले आहे. त्यापूर्वीच मनसेचे माजी शहराध्यक्ष वसंत मोरे यांनी बाईक रॅली काढत मनसेच्या बिग-शोची झलक दाखवून दिली आहे.
या रॅलीत अनेक महिलांचाही समावेश आहे. मनसेचा ताफा बाईकवरून सभेच्या ठिकाणी निघाला आहे. मात्र काल रात्रीच वसंत मोरे यांनी फेसबुक लाईव्ह करत पुहा एकदा मनातील खळखळ बोलून दाखवली होती. माझ्याबद्दल गैरसमज पसरवणारे हे झारीतील शुक्राचार्य कोण आहेत, असा सवाल वसंत मोरे (Vasant More) यांनी फेसबुक लाईव्हच्या माध्यमातून केला आहे.
वसंत मोरे यांच्या उपस्थितीत शनिवारी कात्रज परिसरात मनसेच्या कार्यकर्त्यांची बैठक झाली. मनसेच्या माथाडी कामगार सेनेचे पुणे शहराध्यक्ष यांच्याबद्दलच्या अफवांमुळे वसंत मोरे चांगलेच आक्रमक झाले. निलेश माझीरे हे वसंत मोरे यांच्या २० कार्यकर्त्यांसह शिवसेनेत प्रवेश करणार असल्याची चर्चा सुरु झाली. ही बातमी कोणी पसरवली माहिती नाही. मात्र, त्यानंतर निलेश माझीरे यांच्याकडून माथाडी कामगार सेनेचे अध्यक्षपद काढून घेण्यात आले. निलेश माझीरे यांच्यावर कारवाई करण्याची इतकी घाई कोणाला झाली होती, असा सवाल वसंत मोरे यांनी फेसबुकद्वारे केला आहे. दरम्यान काहीच वेळात राज ठाकरे यांची तोफ धडकणार असून राज ठाकरे काय बोलतात, काय भूमिका घेतात याकडे सर्वांच्या नजरा लागल्या आहेत.
महत्वाच्या बातम्या:
- Raj Thackeray : पुण्यात आज ‘राज’गर्जना; ; ‘या’ टीकेचा घेणार का समाचार?
- झारीतील शुक्राचार्य नक्की कोण?; राज ठाकरेंच्या सभेपूर्वीच वसंत मोरेंचा ‘बिग ब्लास्ट’
- पुण्यात राज ठाकरेंची आज सभा होणार; स्थानिक पोलिसांनी घातल्या ‘या’ अटी
- IPL 2022 DC vs MI : मुंबईने केला दिल्लीचा खेळ खल्लास! बंगळूरू आरामात प्लेऑफमध्ये; वाचा!
- IPL 2022 DC vs MI : बुमराहच्या गोलंदाजीसमोर दिल्लीचे फलंदाज संथगतीने धावले, मुंबईला १५९ धावांचे लक्ष्य
बातम्यांसाठी YouTube चॅनेल Subscribe करा
Subscribe Now
