‘उत्तर प्रदेश पोलिसांनी राहुल गांधींना अतिशय निंदनीय वागणूक दिली’ – शरद पवार

🕒 1 min read

मुंबई : उत्तर प्रदेशमधील हाथरस गावात एका तरुणीसोबत झालेल्या घटनेने देश हादरला आहे. या पीडितेचा मंगळवारी मृत्यू झाल्याने देशातून संताप व्यक्त केला जात असून देशभरातून उत्तर प्रदेश सरकार आणि मुख्यमंत्री योगी आदित्यनाथ यांच्यावर टीका केली जात आहे.

दरम्यान, या घटनेच्या निषेधार्थ काँग्रेससह समाजवादी पार्टी देखील आक्रमक झाल्याचे आज सकाळपासून दिसत आहे. उत्तर प्रदेशमध्ये तणावाची स्थिती निर्माण होत असून हाथरस भागात १४४ कलम लागू करण्यात आले आहे. त्यामुळे निदर्शकांना हद्दीबाहेरच रोखण्यात आले असून मोठा फौजफाटा तैनात करण्यात आला आहे.

तर, काँग्रेस नेते व खासदार राहुल गांधी यांनी काँग्रेस सरचिटणीस प्रियांका गांधी-वाड्रा यांच्यासह हाथरस गाठले आहे. त्यामुळे तिथे प्रचंड गदारोळ माजला असून कार्यकर्ते व पोलीस यांच्यात संघर्षाचे वातावरण निर्माण झाले आहे. दरम्यान, राहुल गांधी हे कुटुंबियांना भेटण्यावर ठाम असून ते पायीच निघाले. त्यावेळी त्यांची अडवणूक करताना पोलिसांनी त्यांना धक्काबुक्की केली आहे.

यासर्व घटनेवर राष्ट्रवादी काँग्रेसचे सर्वेसर्वा शरद पवार यांनी देखील प्रतिक्रिया दिली असून उत्तर प्रदेश पोलिसांच्या वर्तनावर नाराजी व्यक्त केली आहे. ‘उत्तर पोलिसांनी राहुल गांधी यांना दिलेली गलथान वागणूक ही अतिशय निंदनीय आहे. कायद्याचे रक्षण करणाऱ्यांनीच अशा प्रकारे लोकशाही मूल्ये पायदळी तुडवणे हे निंदनीय आहे’ असे ट्विट करून त्यांनी या घटनेचा निषेध केला आहे.

Reckless behaviour of UP Police towards @INCIndia leader Shri @RahulGandhi is extremely condemnable. It is reprehensible for those who are supposed to uphold the law to trample upon the democratic values in such a manner.

— Sharad Pawar (@PawarSpeaks) October 1, 2020

राहुल गांधी आणि प्रियंका गांधी-वाड्रा यांना अटक!

पोलिसांनी आवाहन करून देखील राहुल गांधी हे कुटुंबीयांना भेटण्यावर ठाम होते. त्यांनी पायी चालत जाण्याचा प्रयन्त केल्यानंतर त्यांना अडवताना झालेल्या गदारोळात धक्काबुक्की देखील झाली. कार्यकर्त्यांनी प्रचंड चीड व्यक्त केल्यानंतर शांततेचे आवाहन देखील राहुल गांधी यांनी केले होते. तर, महामारी तसेच बाबरी विध्वंस प्रकरणानंतर उत्तर प्रदेशमध्ये लावण्यात आलेल्या जमावबंदीचा आदेश तसेच इतर काही नियम तोडल्याचा ठपका लावत उत्तर प्रदेश पोलिसांनी राहुल गांधी आणि प्रियंका गांधी-वाड्रा यांना अटक केली.

महत्वाच्या बातम्या : –

• मुख्यमंत्र्यांनी घराबाहेर पडून भूमिका स्पष्ट करावी अन्यथा ‘मातोश्री’ बाहेर आंदोलन करू; मराठा समाज आक्रमक
• एमपीएससी परीक्षा पुढे ढकला, अन्यथा परीक्षा केंद्रचं फोडू; मराठा समितीचा आक्रमक इशारा
• हाथरस प्रकरणाच्या निषेधार्थ रिपाइंचे मुंबईत आंदोलन,आठवले घेणार युपीच्या राज्यपालांची भेट
• उत्तर प्रदेशात जंगलराज; पोलीस फक्त तमाशा पाहत बसले आहेत : हार्दिक पटेल
• मराठा आरक्षणासाठी सरकारने आमच्यावर मोर्चे काढण्याची वेळ येऊ देऊ नये – विनोद पाटील