मुंबई : राज्यपाल नामनिर्देशित १२ जागांसाठी शिवसेनेतर्फे 4 उमेदवारांची यादी पाठवण्यात आली आहे. महाविकास आघाडीत सध्या तीन पक्ष आहेत. म्हणून प्रत्येकी चार – चार जागा वाट्याला आल्या आहेत.या पार्श्वभूमीवर अभिनेत्री उर्मिला मातोंडकर आता आज शिवसेनेत प्रवेश केला आहे.
शिवसेना पक्षप्रमुख आणि मुख्यमंत्री उद्धव ठाकरे , पर्यावरण मंत्री आदित्य ठाकरे राज्यसभा खासदार प्रियांका चतुर्वेदी महापौर किशोरी पेडणेकर यांच्या उपस्थितीत मिसेस मुख्यमंत्री रश्मी ठाकरे यांनी उर्मिला यांच्या हाती शिवबंधन बांधले. उर्मिला यांचा भगवा मास्क यावेळी लक्षवेधी ठरला.
काही दिवसांपूर्वी उर्मिला मातोंडकर यांनी कॉंग्रेस कडून लोकसभा निवडणूक लढवली होती मात्र या निवडणुकीत त्यांचा पराभव झाला. यानंतर त्यांनी काही कारणास्तव कॉंग्रेसला राम-राम ठोकला. आता शिवसेनेतर्फे उर्मिला मातोंडकर, चंद्रकांत रघुवंशी,नितीन बानगुडे – पाटील आणि विजय अप्पा करंजकर ही चार नावे पाठवली असल्याची खात्रीलायक बातमी दिली आहे. मुख्यमंत्री उद्धव ठाकरे यांनी फोन करुन उर्मिला मातोंडकर यांना विधानपरिषदेची उमेदवारी दिल्याचं बोललं जात आहे.
अनेक निष्ठावंत पक्षात असताना सर्वांना बाजूला सारत उर्मिलाचे नाव पुढे आल्याने काही प्रमाणात नाराजी वाढल्याची देखील चर्चा आहे. उर्मिला मातोंडकर आणि चंद्रकांत रघुवंशी हे कॉंग्रेस पक्षातून आयात केलेले उमेदवार आहेत.नितीन बानगुडे – पाटील आणि विजय अप्पा करंजकर हेच सेनेचे निष्ठावंत आहेत.पण इतर नावांची देखील चर्चा असतांना हीच नावे का? असा प्रश्नही सध्या विचारण्यात येतोय.
महत्वाच्या बातम्या
-
‘योगी आदित्यनाथ मुंबईतून बॉलिवूड नेऊ शकत नाही, ते अभ्यासासाठी येत असावे’
-
विधान परिषदेच्या 6 जागा आम्ही जिंकू, पुणे तर वनवेच जिंकणार ! – पाटील
-
अन्नासाठी शेतकऱ्यांवर नाही तर स्विगीवर अवलंबून आहोत, म्हणणाऱ्याला स्विगीनेच फटकारले….
-
सरनाईकांचा क्वारंटाईन कालावधी संपला; लवकरच ईडी चौकशीला सामोरे जाणार?
-
महाविकास आघाडी सरकार त्यांचाच वजनाने पडेल; गिरीश बापटांची ठाकरे सरकारवर टीका!
