मुंबई:- राज्याचे सामाजिक न्यायमंत्री तसेच बीडचे पालकमंत्री धनंजय मुंडे यांच्यावर बलात्काराचा आरोप झाल्यानंतर राज्यात एकच खळबळ उडाली आहे. याप्रकरणी रेणू शर्मा यांनी पोलिसात तक्रार दाखल केली आहे. मात्र, या तक्रारीबाबत स्वत: धनंजय मुंडे यांनी फेसबुकवर पोस्ट टाकत हे आरोप खोटे असल्याचे स्पष्टीकरण दिलं आहे.
धनंजय मुंडे यांनी केलेल्या फेसबुक पोस्टमुळे राज्यात खळबळ उडाली आहे. धनंजय मुंडे यांनी बलात्काराच्या आरोपानंतर फेसबुकवर पोस्ट करुन, आरोप करणारी रेणू शर्मा ही करुणा शर्माची बहीण असल्याचं म्हटलं आहे. महत्त्वाचं म्हणजे करुणा शर्मा यांच्याशी आपला सहमतीने संबंध होता, त्यांच्यापासून आपल्याला दोन अपत्ये आहेत, त्यांचं पालनपोषण आपणच करत असून, आपल्या कुटुंबाला याची सर्व माहिती आहे, असं धनंजय मुंडे यांनी आपल्या फेसबुक पोस्टमध्ये म्हटलं आहे.
दरम्यान, रेणू शर्मा यांनी धनंजय मुंडे यांच्यावर बलात्काराचा आरोप केल्यानंतर त्यावर खंडणी वसूल करण्यासाठीच माझ्यावर बलात्काराचा आरोप करून मला ब्लॅकमेल केलं जात असल्याचं मुंडे यांनी म्हटलं आहे. त्यावर रेणू शर्मा यांनी ब्लॅकमेलच्या मुद्द्याशिवाय मुंडे आणखी काय बोलणार? असं सांगत आपण शेवटरपर्यंत लढणार असल्याचं म्हटलं आहे.
पोलिसांनी लेखी तक्रार नोंदवून न घेतल्याबद्दलही रेणूने नाराजी व्यक्त केली आहे. मुंबई पोलीस असो की इतर राज्यांचे पोलीस, मी सर्वांचा आदर करते. पण काही लोक त्यांच्या पदाचा फायदा उठवून पोलिसांना काम करू देत नाही, असंही रेणूने म्हटलं आहे.
महत्वाच्या बातम्या
- मृत शेतकऱ्याच्या नावावर उचलले पीककर्ज
- धनंजय मुंडेंवर झालेल्या ‘त्या’ गंभीर आरोपांनंतर राष्ट्रवादीने दिली पहिली प्रतिक्रिया!
- महाराष्ट्र प्रदेश महिला काँग्रेसच्या अध्यक्षपदी ‘या’ झुंजार महिला नेत्याची लागली वर्णी
- कोणत्याही समितीच्या समोर आमचे मुद्दे अजिबात मांडणार नाही : संयुक्त किसान मोर्चा
- ग्रामीण भागाच्या विकासासाठी ग्रामपंचायतींवर भगवा फडकवा : चंद्रकांत खैरे
