मुंबई : मुंबई महापालिकेत आज हेरिटेज वॉक कार्यक्रम सुरु करण्यात आला आहे. या कार्यक्रमाच्या उदघाटनाला महाविकास आघाडीचे सर्व बडे नेते उपस्थित होते. मुख्यमंत्री उद्धव ठाकरे, उपमुख्यमंत्री अजित पवार, महसूलमंत्री बाळासाहेब थोरात, पर्यावरण मंत्री आदित्य ठाकरे, मुंबई काँग्रेस अध्यक्ष भाई जगताप आदी नेत्यांनी हजेरी लावली होती.
मुंबई महानगरपालिकेची इमारत ही जुनी आहे. राज्यासह देशातील अनेक बदलांची साक्षीदार ही इमारत आहे. देशाची आर्थिक राजधानी अशी ओळख असलेल्या मुंबई शहराचा कारभार देखील याच इमारतीतून हाकला जातो. आता या इमारतीच्या वारसाची माहिती व जपणूक केली जाणार आहे. गॉथिक शैलीतील मुंबई महापालिकेची सफर पर्यटकांना करता यावी म्हणून मुंबई महापालिकेने आजपासून हे हेरिटेज वॉक सुरू केल आहे. हेरिटेज वॉक या उपक्रमाअंर्तगत पर्यटकांना या इमारतीचा इतिहास पाहता येणार आहे.
दरम्यान, या कार्यक्रमाच्या उदघाटनावेळी मुख्यमंत्री उद्धव ठाकरे यांनी या इमारतीशी निगडित आठवणींना देखील उजाळा दिला आहे. ‘मी 14 वर्षाचा असेन तेव्हा पालिकेत आलो होतो. पालिकेच्या गॅलरीत थांबलो होतो. ही गॅलरी न्याहळत होतो. मुख्यमंत्री होऊन याच सभागृहात महापौरांच्या जागेवर बसेल असं वाटलं नव्हतं,’ असं ते म्हणाले.
दरम्यान, या कार्यक्रमावेळी महाविकास आघाडीतील मित्र पक्ष असलेल्या राष्ट्रवादी व काँग्रेसचे नेते देखील उपस्थित होते. अजित पवार व बाळासाहेब थोरात यांच्या उपस्थितीवरून उद्धव ठाकरे यांनी मिश्किल वक्तव्य केलं. ‘मी विधानसभेत तुमच्यामुळे, तुम्ही महापालिकेत आमच्यामुळे आहात’ असं विधान करताच उपस्थितांमध्ये हशा पिकला होता.
महत्वाच्या बातम्या
- ‘गृहमंत्री अनिल देशमुख यांनी ‘ती’ आक्षेपार्ह पोस्ट शेअर करायला नको होती’
- ‘देवेंद्र फडणवीस हे राजकारणातले कृष्ण, आता त्यांनी सुदर्शन चक्र काढावं !’
- ‘दलित महिलांवर अत्याचार झाल्यावर चाकणकर लाली लिपस्टीक लावलेले तोंड घेऊन कुठे लपतात ?’
- १५ वर्षांपेक्षा जुनी वाहने जाणार थेट भंगारात; प्रदूषण रोखण्यासाठी नितीन गडकरींचं महत्वाचं पाऊल
- मुंबईला नाईट लाईफची गरज, त्यासाठी सुरक्षा पुरवू : अजित पवार
