औरंगाबाद : रस्त्यावर उभा केलेला ट्रक चोरुन त्याचे पार्ट वेगळे करणाऱ्या धुळ्यातील दोघांना एमआयडीसी वाळुज पोलिसांनी गुरुवारी सकाळी बेड्या ठोकल्या. त्यांच्याकडून हायवा ट्रकचे सुटे करुन ठेवलेले पार्ट पोलिसांनी जप्त केले आहेत.
कुलदिप सिंग गुरबसिंग रंधावा (४८, रा. शिवानंद कॉलनी, मोहाडी ता.जि. धुळे) आणि आफताफ खान चांदखान (२७, रा. जामचा मळा चाळीसगाव रोड जि. धुळे) अशी आरोपींची नावे असुन त्यांना रविवारपर्यंत पोलीस कोठडीत ठेवण्याचे आदेश प्रथम वर्ग न्यायदंडाधिकारी बी.एम. पोतदार यांनी दिले.
प्रकरणात रामनाथ प्रभाकर उडाण (४६, रा. आयोध्यानगर, बजाजनगर) यांनी फिर्याद दिली. त्यानूसार, फिर्यादी हे कॉन्ट्रक्टर असून त्यांच्या नावे एक हायवा ट्रक (क्रं. एमएच-२०-डीटी-०२०३) आहे. फिर्यादी हे सोलापुर धुळे हायवे रोड बनविण्यासाठी हायवाचा वापर करित आहेत. ९ ऑगस्ट रोजी सायंकाळी हायवा चालक जनार्दन आवसरमोल याने हायवा जैस्वाल लॉनच्या बाजुला उभा केला होता. संधी साधत चोरट्यांनी तो लंपास केला. दुसऱ्या दिवशी फिर्यादीच्या निदर्शनास ही बाब आली. यानंतर एमआयडीसी वाळुज पोलीस ठाण्यात गुन्हा दाखल करण्यता आला.
मिळालेल्या माहितीवरुन पोलिसांनी वरील दोघा आरोपींना अटक करुन न्यायालयात हजर केले. सुनावणीवेळी सहायक सरकारी वकील सयद शहनाज यांनी आरोपींकडून जप्त करण्यात आलेले हायवाचे स्पेअर पार्ट आरोपींनी कोणकडून घेतले याचा तपास करुन त्याला अटक करणे आहे. आरोपींचे साथीदार असून त्यांना देखील अटक करणे आहे. आरोपी चोरी केलेल्या ऐवजाची विक्री कोठे करतात, विल्हेवाट कशी लावतात यांचा तपास करणे असल्याने आरोपींना पोलीस कोठडी देण्याची विनंती न्यायालयाकडे केली.
महत्त्वाच्या बातम्या
- शरद पवारांच्या नावाने चाकणमध्ये पैशांची मागणी; मंत्रालयानंतर आणखी एक प्रकरण आले समोर
- ‘मेळघाटातील ४९ नवजात शिशुंच्या मृत्युला यशोमती ठाकूर जबाबदार’, खा.नवनीत राणा स्मृती इराणींच्या भेटीला
- बाप्पा कोरोना घालव रे…! पुण्यातील गणेशोत्सव मंडळांनी घेतला महत्वाचा निर्णय
- ‘हॅलो, मी शरद पवार बोलतोय!’; बदलीसाठी थेट मंत्रालयात आलेल्या ‘त्या’ फोनमुळे खळबळ
- नगर-बीड-परळी रेल्वेमार्गाबाबत खा. प्रीतम मुंडेंनी घेतली रेल्वेमंत्र्यांची भेट
