काबुल – तालिबानने संपूर्ण अफगाणिस्तानवर आता नियंत्रण मिळवल्यानंतर सरकार स्थापन करण्याचा कार्यक्रम आयोजित केला आहे.तालिबानविरोधी दलांचे नेतृत्व अफगाणिस्तानचे माजी उपाध्यक्ष अमरुल्ला सालेह आणि तालिबानविरोधक अहमद शहा मसूद यांचे पुत्र अहमद मसूद करीत होते. या दोघांनाही तझाकिस्तानमध्ये पळ काढल्याचं सांगण्यात येतं.
दरम्यान, एनआरएफच्या नेता असणाऱ्या मसूदने पंजशीरमध्ये अजूनही युद्ध सुरु असल्याचा दावा केलाय. एकीकडे हे सर्व सुरु असताना दुसऱ्या बाजूला तालिबानचा प्रवक्ता जबीउल्ला मुजाहिद याने ‘पुढच्या आठवड्यात सरकार स्थापन केले जाईल’, असे सांगितले आहे.’आंतरराष्ट्रीय स्तरावर सर्वांना स्वीकार होईल, असे सरकार स्थापन करण्याचा तालिबानचा प्रयत्न आहे’, असे तो म्हणाला.
या कार्यक्रमाला उपस्थित रहाण्यासाठी तालिबानने रशिया, चीन, पाकिस्तान, इराण, कतार आणि तुर्कस्तान या देशांना आमंत्रित केले आहे. या देशांनी यापूर्वीच तालिबानशी संपर्क साधला आहे. रशिया, चीन, पाकिस्तान ,कतार आणि तुर्कस्तान यांनी अफगाणिस्तानातील त्यांचे दूतावास बंद केलेले नाहीत.
महत्त्वाच्या बातम्या
- पूरग्रस्त शेतकऱ्यांच्या मदतीसाठी शासन निर्णयाचे मुख्यमंत्र्यांनी दिले आश्वासन – राजू शेट्टी
- ‘करुणा शर्मांविरुद्ध कटकारस्थान ; एखादा मंत्रीच जर अन्याय, अत्याचार करत असेल तर…’
- गेल ऑम्व्हेट यांचे पुण्यात स्मारक उभारण्यासाठी प्रयत्न करणार – रामदास आठवले
- औरंगाबाद ग्रामीण भागात पाचवी ते सातवीच्या वर्गांची घंटा वाजली!
- अनिल परब यांचे निकटवर्तीय बजरंग खरमाटेंची ईडीकडून ८ तास चौकशी
