‘…तर संजय राऊतांचा अमेरिकेचाही अभ्यास असू शकतो’; चंद्रकांतदादांचा राऊतांना चिमटा

अकोला : दोन वर्षांपासून प्रलंबित असलेल्या बेळगाव महानगरपालिका निवडणुकांसाठी आज मतदान पार पडत आहे. आज 3 सप्टेंबर रोजी मतदान होणार असून 6 सप्टेंबर रोजी निवडणुकीचा निकाल जाहीर केला जाणार आहे. मराठी भाषिकांनी बेळगावचा गड राखण्याची पूर्णपणे तयारी केली आहे.

बेळगाव महानगरपालिकेसाठी आज तब्बल आठ वर्षानंतर मतदान होत आहे. सकाळी सात वाजल्यापासून मतदानाला सुरुवात झाली असून संपूर्ण कर्नाटक राज्याच आणि पश्चिम महाराष्ट्राच लक्ष या निवडणुकीकडे लागले आहे. याबाबत शिवसेनेचे नेते आणि खासदार संजय राऊत यांनी भाष्य करत बेळगाव पालिकेवर शिवरायांचा भगवाच फडकणार, असा दावा केला आहे. बेळगाव महापालिकेवर पुन्हा एकदा छत्रपती शिवाजी महाराजांचा भगवा झेंडाच फडकेल. आम्ही 30च्या आसपास जागा जिंकू. बेळगाववर मराठी माणसाचीच सत्ता आहे, हे पुन्हा एकदा सिद्ध होईल, असा विश्वास राऊत यांनी व्यक्त केला आहे.

दरम्यान, राऊत यांनी केलेल्या या विधानावर भाजप प्रदेशाध्यक्ष आणि आमदार चंद्रकांत पाटील यांनी मिश्किल प्रतिक्रिया केली आहे. ‘बेळगाव जिंकेल असा राऊत दावा करत असतील तर त्यांचा अमेरिकेचाही अभ्यास असू शकतो,’ असं म्हणत चंद्रकांत पाटील यांनी राऊतांना खोचक टोला लगावला आहे. ते अकोला दौऱ्यावर आहेत.

‘बेळगावात भाजपचाच महापौर होईल’

आज होत असलेल्या निवडणूकीत बेळगाव दक्षिण आमदार अभय पाटील यांनी आपला मतदानाचा हक्क बजावला आहे. त्यांनी बेळगावकरांना मतदानाचे आवाहन केले आहे. बेळगाव महानगरपालिकेवर भाजपचाच महापौर विराजमान होणार असून आम्ही 45 प्लस जागा जिंकू, असा दावा अभय पाटील यांनी केला आहे.

महत्त्वाच्या बातम्या

• ‘गणेशोत्सवाच्या पहिल्या दिवशी अंदाज घेणार, गर्दी वाढल्यास दुसऱ्याच दिवशी कठोर निर्णय घेणार’
• ‘बेळगाव महापालिकेवर शिवरायांचाच भगवा फडकणार’; संजय राऊत यांचा दावा
• ‘दिल्ली विधानसभेत सापडला लाल किल्ल्यापर्यंत पोहोचणारा ब्रिटिशकालीन बोगदा’
• कुठे चिखल तुडवत, तर कुठे बैलगाडीतून धनंजय मुंडे नुकसानग्रस्तांच्या बांधावर
• ‘काही लोकांमुळे सहकारी खाते बदनाम होतंय, फटका माझ्यासारख्याला बसतो’