मांजरा नदीच्या पुरात अडकलेल्या तिघांना हेलिकॉप्टरच्या सह्याने सुखरूप बाहेर काढले

लातूर : मांजरा नदीच्या पाण्यात पोहरेगाव येथील शेतात अडकलेल्या नागोराव किसन टिकणारे (५०), पत्नी रुक्माबा (४५) आणि त्यांचा मुलगा चंद्रकांत (११) यांची भारतीय वायू सेनेच्या हेलिकॉप्टरच्या मदतीने यशस्वीरित्या सुटका करण्यात आली आहे. मांजरा नदीच्या पुरामुळे अनेक नागरिक अडकले आहेत. त्यांना सोडवण्यासाठी एनडीआरएफची टीम तैनात करण्यात आली आहेत.

मंगळवारी सायंकाळी हे हेलिकॉप्टर लातूर विमानतळात दाखल झाले होते. सदरील शोध व बचाव मोहीम पालकमंत्री अमित देशमुख व जिल्हाधिकारी पृथ्वीराज यांच्या मार्गदर्शनाखाली पार पडली. ही कामगिरी भारतीय वायुसेनेचे पायलट प्रतीक बऱ्हाणंपुरे आणि त्यांच्या पथकाने पार पाडली. जिल्हाधिकारी यांच्या सुचनेवारून हेलिकॉप्टर सोबत मार्गदर्शनासाठी जिल्हा आपत्ती व्यवस्थापन अधिकारी साकेब उस्मानी हे उपस्थित होते.

मांजरा नदीच्या पाण्यामुळे अडकलेल्या नागरिकांना मंगळवारी देखील सुखरुप बाहेर काढण्यात आले होते. त्यासाठी बोटीचा वापर करण्यात आला होता. धरणात पाण्याची आवक कमी झालेली असली तरी पुढीक काळात आणखी पावसाचा इशारा देण्यात आलाय. त्यामुळे नागरिकांनी सतर्क राहण्याचे आवाहन जिल्हा प्रशासनाच्या वतीने करण्यात आले आहे.

महत्त्वाच्या बातम्या

• पराभवाची साखळी मोडत मुंबई इंडियन्सचा पंजाबवर दणदणीत विजय
• भुजबळांविरोधातली याचिका मागे घ्या; शिवसेना आमदाराला अंडरवर्ल्ड डॉन छोटा राजन टोळीची धमकी
• किती नौटंकी करणार शिवसेना? किती चुना लावणार लोकांना? भाजप आमदाराने उडवली खिल्ली
• ‘ईडीला उत्तरं देणं ही माझी जबाबदारी मात्र कुणा वैयक्तिक व्यक्तीला उत्तर देण्यास मी बांधील नाही’
• सातत्याने जावयाचं नाव घेऊ नका, हे काही बरोबर नाही; हसन मुश्रीफ संतापले