नांदेड – राज्यभरात सध्या कोरोनाने थैमान घातले आहे. नागरिकांना या काळात मोठ्या समस्यांचा सामना करावा लागत आहे. आरोग्य यंत्रणांनी सुद्धा या काळात कौतुक करावे असे काम केलेले आहे मात्र एका मुजोर कर्मचाऱ्यामुळे डॉक्टरी पेशाला खाली पाहावे लागणार असल्याचे दिसून येत आहे.
अवघ्या महाराष्ट्राची मान शरमेने झुकावी असा एक व्हिडीओ सध्या सोशल मिडीयावर व्हायरल होत आहे.आरोग्य वर्धिनी केंद्र मालेगाव,तालुका अर्धापूर जिल्हा नांदेड येथील डॉ. विलास धनगे हे एका नागरिकाशी अतिशय उर्मटपणे बोलत असल्याचे यात दिसून येत आहे. खरेतर कोणताही सरकारी कर्मचारी हा लोकशाही मध्ये लोकांचा सेवक असतो लोकांचे काम करण्यासाठीच तो तेथे नियुक्त असतो मात्र अश्या पद्धतीने जर कर्मचारी नागरिकांशी वागत असतील तर याचा न्याय कुणाकडे मागायचा असा सवाल या निमित्ताने उपस्थित होत आहे.
काय आहे नेमका प्रकार ?
जेव्हा हा जेष्ठ नागरिक या केंद्रात गेला तेव्हा डॉ. विलास धनगे हा झोप काढत होता. यावर तुम्ही कामाच्या वेळेत झोपता कसे काय हे विचारल्याने या डॉ. विलास धनगेचा पारा चांगलाच चढला. यानंतर माझी तब्येत खराब आहे असं सांगत डॉ. विलास धनगेने या जेष्ठ नागरिकाला अर्वाच्च भाषेत शिवीगाळ केली.
मी या ठिकाणचा मालक आहे तुमच्या कडून काय करायचं ते करा मी कुणाला घाबरत नाही असे देखील हा मुजोर डॉक्टर बोलताना दिसून येत आहे. नोकरीची पण मला गरज नाही असे देखील तो बोलत आहे.दरम्यान, सोशल मिडीयावर हा व्हिडीओ चागलाच व्हायरल होत असून संबंधित डॉक्टरवर कारवाई करावी अशी मागणी जोर धरत आहे.
https://www.facebook.com/111843057515476/videos/299649981557804/
महत्वाच्या बातम्या
- नटराजन, शार्दूल नंतर आता मोहम्मद सिराजला मिळली एसयूव्ही थार
- उपचारात हलगर्जीपणा केल्यास खैर नाही, आ. मेघना बोर्डीकर यांचा सज्जड इशारा
- अनिल देशमुखांच्या अडचणी वाढल्या,मुंबई उच्च न्यायालयाने दिले ‘हे’ महत्वाचे आदेश
- लॉकडाऊन लावण्याची वेळ आली तर दोन दिवसांचा वेळ देऊ : अजित पवार
- ‘उद्धव साहेबांबद्दल बोलताना भान ठेवा नाहीतर शिवसेना स्टाईलने उत्तर देऊ’
बातम्यांसाठी YouTube चॅनेल Subscribe करा
Subscribe Now
