मुंबई : काल राज ठाकरेंनी गुढी पाडव्याच्या निमित्ताने शिवाजी पार्कमध्ये मेळावा घेतला. पक्षाच्या वार्षिक गुढीपाडवा मेळाव्याला काल संबोधित करून त्यावेळी त्यांनी महाराष्ट्रातल्या सत्ताधाऱ्यांवरती सडकून टीका केली. मशिदींतील लाऊडस्पीकरबाबत सरकार काही निर्णय घेणार नसेल, तर मशिदींसमोर दुहेरी लाऊडस्पीकर लावून हनुमान चालिसाचा जप करू, असा इशारा राज ठाकरेंनी आपल्या धडाकेबाज शैलीत दिला.
मशिदीवरील भोंगे खाली उतरवावे लागतील, त्याचबरोबर माझा मुस्लिमांच्या प्रार्थनेला विरोध नाही. ज्या मशिदीच्या बाहेर भोंगे लागलेले असतील, त्या मशिदी समोरच्या भोंग्यांच्या दुप्पट स्पीकर लावून त्यावर हनुमान चालीसा लावा असं काल राज ठाकरेंनी त्यांच वक्तव्य मांडलं.
काल झालेल्या राज ठाकरेंच्या भाषणावरती राष्ट्रवादीच्या नेत्यांनी देखील टीका केली आहे. राज ठाकरेंवर बोलू नका असं असदुद्दीन ओवेसीनी फतवा काढला आहे. ‘एमआयएम कार्यकर्त्यांना कोणत्याही गोष्टीवर बोलायचं नाही’ असं ठणकावून सांगण्यात आलं आहे. ‘राज ठाकरेंच्या कुठल्याही वक्तव्यावरती टीका करायची नाही’ असं ओवेसी यांनी सांगितलं आहे, अशी माहिती खासदार इम्तियाज जलील यांनी दिली आहे.
महत्वाच्या बातम्या –
