🕒 1 min read
नवी दिल्ली : वस्तू आणि सेवा कर (जीएसटी) संकलनात सलग पाचव्या महिन्यात वाढ नोंदवण्यात आली आहे. फेब्रुवारी महिन्यात १.१३ लाख कोटी रुपयांचे जीएसटी संकलन झाले. कोरोनाचे प्रमाण कमी झाल्यानंतर देशातील आर्थिक घडामोंडींना वेग मिळालाय.
वार्षीक आधारावर विचार केल्यास जीएसटी संकलनामध्ये ७ टक्क्यांची वाढ नोंदवण्यात आली आहे. म्हणजेच फेब्रुवारी २०२० मध्ये जीएसटी संकलन १.०५ लाख कोटी रुपये झाले होते, जे फेब्रुवारी २०२१ मध्ये वाढून १.१३ लाख कोटी रुपये झाले आहे. विशेष म्हणजे आयात होणाऱ्या वस्तूंवरील जीएसटी संकलनातही १५ टक्क्यांची वाढ नोंदवण्यात आली आहे. जीएसटी प्रणालीमध्ये असलेल्या त्रुटी दूर करण्यात आल्याने ही वाढ नोंदवण्यात आली असल्याचे सरकारने म्हटले आहे.
असे झाले संकलन : फेब्रुवारी २०२१ मध्ये केंद्रीय जीएसटीमध्ये २१ हजार ९२ कोटी रुपयांचे जीएसटी संकलन झाले. तर राज्य जीएसटीमध्ये २७ हजार २७३ कोटी रुपये संकलीत झाले आहेत. इंटीग्रेटेड जीएसटी संकलन ५५ हजार २५३ कोटी रुपयांचे झाले आहे. यातील २४ हजार ३८२ कोटी रुपयांची रक्कम आयात होणाऱ्या वस्तूंवरील वसूली आहे. या व्यतिरीक्त सेसच्या माध्यमातमून ९ हजार ५२५ कोटी रुपये वसूल झाले आहेत.
महत्त्वाच्या बातम्या
- अर्ध्यावरती डाव मोडला.. कारच्या धडकेत पतीचा मृत्यू, पत्नी गंभीर
- मोबाइल टॉवरच्या आमिषाने शेतकऱ्याची फसवणूक
- ‘१२ आमदारांसाठी विदर्भ-मराठवाड्याला तुम्ही ओलीस ठेवले’
- बीडच्या सात माजी आमदारांची मुख्यमंत्री सहाय्यता निधीला मदत
- दरवाढीविरोधात ‘शेणाच्या गोवऱ्यावर स्वयंपाक’ आंदोलन
