मुंबई:- महाराष्ट्रातील भंडारा जिल्हा रुग्णालयात शुक्रवारी रात्री उशिरा नवजात बालकांच्या दक्षता विभागाला लागलेल्या आगीत होरपळून १० बालकांचा दुर्दैवी मृत्यू झाला. नवजात बालकांचं वय एक महिने ते तीन महिन्यांचं होतं, अशी माहिती डॉक्टरांनी दिली आहे. वार्डमध्ये एकूण १७ बालकं होती त्यातील सात बालकांना सुखरूप बाहेर काढण्यात यश आलं. परंतु, १० बालकांचे प्राण मात्र वाचवले जाऊ शकले नाहीत.
भंडाऱ्यातल्या जिल्हा रुग्णालयात शिशू केअर युनिटला लागलेल्या आगीत नवजात अर्भकांच्या झालेल्या मृत्यू प्रकरणात दोषींवर सदोष मनुष्यवधाचा गुन्हा दाखल करुन प्रत्येक कुटुंबाला दहा लाखाचे अर्थसहाय्य मंजूर करण्याची मागणी वंचित बहुजन आघाडीने केली आहे. वंचितचे प्रवक्ते राजेंद्र पातोडे यांनी भंडारा घटनेचा शोक व्यक्त करत सरकारने प्रत्येक पिडीत कुटुंबाला दहा लाखाचे अर्थसहाय्य करावे, अशी मागणी केली आहे.
दरम्यान, रुग्णालयात लागलेल्या आगीत मृत्यू झालेल्या बाळांच्या नातेवाईकांना प्रत्येकी 5 लाख रुपयांच्या मदतीची घोषणा आरोग्यमंत्री राजेश टोपे यांनी केली आहे. तसंच संध्याकाळी 5 वाजता आरोग्यमंत्री स्वत: भंडारा जिल्हा रुग्णालयाला भेट देणार आहेत. टोपे यांनी संपूर्ण घटनेची माहिती रुग्णालय प्रशासनाकडून घेतली आहे. शॉर्टसर्किटमुळे ही आग लागल्याचा प्राथमिक अंदाज असल्याचं त्यांनी म्हटलं आहे.
महत्वाच्या बातम्या
- महाविद्यालयेही सुरु होणार ? उदय सामंत यांनी दिली महत्वाची माहिती
- बाळासाहेब ठाकरेंच्या जयंतीला संभाजीनगरवर शिक्कामोर्तब कराच! खैरेंची मागणी
- ‘युतीत होता म्हणून शिवसेनेचा महापौर व्हायचा आता मात्र सगळीकडे भाजपचाच महापौर होणार’
- ‘आजही केली काय…’भारतीचा व्हिडिओ पाहून नेटकरी म्हणाले
- भंडारा शासकीय रुग्णालयाच्या नवजात बालक अतिदक्षता कक्षात आग; 10 बालकांचा मृत्यू
