मंदिरात जाण्यासाठी घरातून निघालेल्या वृद्धेचा संशयास्पद मृत्यू

🕒 1 min read

औरंगाबाद : मंदिरात जाते म्हणून घरातून निघालेल्या ६० वर्षीय वृद्ध महिलेचा मृतदेह आज मंगळवारी सकाळच्या दरम्यान एन-१ परिसरातील महादेव मंदिराच्या मोकळ्या जागेत आढळला. मृतदेहाच्या डोक्याला, पोटाला, हाताला जखमा आढळून आल्या. त्या सोमवारी दुपारपासून बेपत्ता होत्या. राधाबाई अंकुश शेजुळ (६०, रा.बळीराम पाटील शाळेजवळ, एन-९ सिडको) असे मृतेचे नाव आहे.

या प्रकरणी अधिक माहिती अशी की, राधाबाई सोमवारी दुपारी मंदिरात जाते म्हणून घरातून बाहेर पडल्या होत्या. मात्र, रात्र झाल्यावर देखील त्या घरी न परतल्याने घरच्यांनी त्यांच्या मोबाईलवर संपर्क साधला. परंतू त्यांनी फोन उचलला नाही. नातेवाईकांनी रात्रभर त्यांचा शोध घेऊनही त्या सापडल्या नाहीत.

आज सकाळी काही नागरिक मॉर्निंग वॉकसाठी एन-१ परिसरात गेले असता तेथे राधाबाई या रक्ताने माखलेल्या अवस्थेत जमिनीवर पडलेल्या दिसल्या. ही माहिती नागरिकांनी तत्काळ पोलिसांना दिली. त्यांना रुग्णालयात हलविले असता डॉक्टरांनी तपासून मृत घोषित केले. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे. पुढील तपास पोलिस करत आहेत.

महत्वाच्या बातम्या

• शिवसेनेचं ‘शिवसंपर्क अभियान’ चालू शकतं तर मग शिवभक्तांच्या शिवजयंतीवरच निर्बंध का ?
• ‘काँग्रेसचा खोटारडेपणा असाच सुरु राहिला तर काँग्रेस इतिहासजमा व्हायला वेळ लागणार नाही’
• संजय राठोडांनी राजीनामा दिला ही माहिती चुकीची; संजय राऊत यांचं स्पष्टीकरण
• भविष्यात शिवसेना देशाचं नेतृत्व करेल; उद्धव ठाकरेंनी व्यक्त केला विश्वास
• आगामी निवडणुकांबाबत महाविकास आघाडीचं ठरण्याआधीच भाजप-रिपाइंचं ठरलं ?