🕒 1 min read
Sushma Andhare | मुंबई : मनसे अध्यक्ष राज ठाकरे (Raj Thackeray) यांनी रविवारी मुंबईत सभेत बोलताना राज्यातील अनेक मुद्द्यांवर टीका केली. “एकनाथ शिंदेंनी एका रात्रीत कांडी फिरवली आणि आता ते सगळीकडे फिरत आहेत. यांच्यासारखं वागणाऱ्यातला मी नाही”, असं विधान राज ठाकरेंनी केलं. या विधानावर ठाकरे गटाच्या नेत्या सुषमा अंधारे (Sushma Andhare) यांनी राज ठाकरेंना मिश्किल टोला लगावला आहे.
त्या म्हणाल्या, “राजभाऊंचा तो स्वभाव नाही, असं जेव्हा ते म्हणतात तेव्हा चांगलं वाटतं. पण शब्द सत्यातसुद्धा उतरले पाहिजेत. ईडीच्या नोटिशीनंतर ‘लाव रे तो व्हिडीओ’चा ‘बंद रे व्हिडीओ’ का झाला?”, असा खोचक सवाल सुषमा अंधारे (Sushma Andhare) यांनी राज ठाकरे यांना केलाय.
“ज्या देवेंद्र फडणवीसांनी मनसे म्हणजे ‘मतदार नसलेली सेना’ म्हणत अवहेलना केली, त्यांना तुम्ही ठामपणे उत्तरं देऊ शकत नाही. तुम्ही जोर दाखवता तो कुटुंबात. भावकीत भांडणं करण्याचीच तुम्ही शिरशिरी दाखवता. यावरुन कळतं पैसे कुणी घेतले किंवा ईडीच्या नोटिशीची भीती कुणाला वाटली आहे”, अशी खोचक टीकाही त्यांनी यावेळी बोलताना केली.
पुढे त्या म्हणतात, “मराठीचा मुद्दा घेऊन महाराष्ट्राचं नवनिर्माण करू पाहात आहे असं तुम्ही सांगता. पण नेमकं तुम्ही काय निर्माण करू पाहात आहात. छत्रपती शिवरायांचा अपमान करणाऱ्या राज्यपालांबद्दल आपण काहीच बोलू इच्छित नाही. त्यांच्या पायउतार होण्याबाबत तुम्ही ठामपणे वक्तव्य करू शकत नाही.”
दरम्यान, ‘इतर राज्यांचाही विकास झाला पाहिजे’ आस राज ठाकरे यांनी म्हंटल होतं. या राज ठाकरेंच्या विधानावरुनही अंधारेंनी चांगलाच समाचार घेतला. “तुमच्या पक्षाचं नाव महाराष्ट्र नवनिर्माण सेनेवरुन ‘संघराज्य सेना’ करा”, असा खोचक सल्ला सुषमा अंधारेंनी दिलाय.
महत्वाच्या बातम्या :
- Urfi Javed | चेतन भगतच्या विधानावर उर्फीने दिले चोख उत्तर, म्हणाली…
- Raj Thackeray | “अरे गधड्या तुझी लायकी…”; राज ठाकरेंची राहुल गांधींवर सडकून टीका
- Type-2 Diabetes | टाईप-2 डायबिटीज नियंत्रणात ठेवण्यासाठी करा रोज ‘ही’ योगासने
- Nora Fateh | ‘झलक दिखला जा’च्या मंचावर नोरा फतेहीने व्यक्त केल्या प्रेमभंगानंतरच्या भावना, म्हणाली…
- OnePlus 11 | ‘या’ खास वैशिष्ट्यांसह पुढच्या वर्षी लाँच होऊ शकतो OnePlus 11
बातम्यांसाठी YouTube चॅनेल Subscribe करा
Subscribe Now
