मुंबई: मनसे अध्यक्ष राज ठाकरे (Raj Thackeray) यांनी ठाण्यात घेतलेल्या उत्तर सभेत त्यांनी राष्ट्रवादीच्या खासदार सुप्रिया सुळे आणि उपमुख्यमंत्री अजित पवार यांच्यावर टीका केली होती. सुप्रिया सुळे यांचे खायचे दात वेगळे आणि दाखवायचे ‘सुळे’ वेगळे असल्याचे राज ठाकरे यांनी म्हटले होते. यावरच सुप्रिया सुळे (Supriya Sule) यांनी आता प्रतिक्रिया दिली आहे.
“मला कुणाचीही चूक काढायची नाही. माझा तो स्वभाव नाही. पण मी तुम्हाला सांगू इच्छिते की माझ्या भावाच्या घरी कधीच रेड झालेली नाही,” असे सुप्रिया सुळे यांनी म्हटले आहे. त्यामुळे बेसच चुकीचा असल्याने तुलनेचा प्रश्नच येत नाही. असा टोलाही त्यांनी लगावला आहे.
काय म्हणाले होते राज ठाकरे?
“मला एका गोष्टीचं आश्चर्य वाटतं की, एकाच घरात राहून अजित पवारांच्या घरी रेड पडते पण सुप्रिया सुळेंच्या घरी पडत नाही. याचं कारण मला कळेल का? त्यानंतर शरद पवार आणि नरेंद्र मोदी यांचे अत्यंत मधूर संबंध असतात. हे कसं काय? त्यामुळे सुप्रिया सुळे यांनी काही बोलू नये. त्यांचे खायचे दात वेगळे आणि दाखवायचे ‘सुळे’ वेगळे आहे”, असा टोला राज ठाकरे यांनी लगावला होता.
महत्वाच्या बातम्या:
- “…म्हणून संजय राऊतांना राजसाहेब ‘लवंडे’ म्हणतात”, ‘मनसे’नी पुन्हा डिवचले
- राज्य नेमके किती मुख्यमंत्री आणि गृहमंत्री मिळून चालवत आहेत?; ‘त्या’ प्रकरणावरून भातखळकरांचा टोला
- “कुणाला वाटत असेल द्वेषाच्या चिखलात सत्तेचं कमळ फुलेल पण…”, रोहित पवारांचा विरोधकांवर निशाणा
- ST कर्मचाऱ्यांची कुटुंबे आता सदावर्ते पोसणार आहे काय?; संजय राऊतांचा सवाल
- “…आणि ‘लाल परी’ मुक्त झाली! गाढवांचे काय?”, ‘सामना’तून संजय राऊतांचा प्रहार
