नवी दिल्ली : बृहन्मुंबई महानगरपालिका अर्थात बीएमसीमध्ये विरोधी पक्षनेतेपदाचा दावा करणाऱ्या भाजपला आज मोठा धक्का बसला. पक्षाचे नगरसेवक प्रभाकर शिंदे यांची याचिका सुप्रीम कोर्टाने फेटाळून लावली आहे. राज्य सरकारमधील कॉंग्रेस ही शिवसेनेची सहयोगी असल्याचे शिंदे म्हणाले होते. त्यामुळे महापालिकेमध्ये कॉंग्रेस विरोधी पक्षनेतेपदी राहू शकत नाही, असा त्यांचा युक्तिवाद होता.
2017 मध्ये बीएमसी निवडणुकीच्या वेळी शिवसेना आणि भाजप हे राज्यातील सत्तेत एकमेकांचे मित्रपक्ष होते. भाजपनेही बीएमसीमध्ये सेनेला साथ दिली. निवडणुकीनंतर शिवसेनेला बीएमसीची सत्ता मिळाली आणि त्यांचा महापौर झाला, तेव्हा विरोधी पक्षनेतेपदाचा दावा भाजपने केला नव्हता. यामुळे 82 जागा जिंकणाऱ्या भाजपच्या ऐवजी केवळ 31 जागा जिंकणाऱ्या काँग्रेसकडे विरोधी पक्षनेते पद आले.
आता राज्यात शिवसेना, कॉंग्रेस आणि राष्ट्रवादी कॉंग्रेसचे महाविकास आघाडी सरकार आहे. भाजपने म्हटले की, राज्यातील सत्तेत शिवसेनेची भागीदार असलेली कॉंग्रेस महापालिकेमध्ये विरोधी पक्षनेतेपदाची जबाबदारी सांभाळू शकत नाही. यापूर्वी मुंबई उच्च न्यायालयाने ही याचिका फेटाळली होती. तेव्हा हायकोर्टानेही म्हटले होते की, एकदा पदाचा दावा सोडल्यावर दुसऱ्यांदा त्यांचा दावा विचारात घेता येणार नाही.
भाजप नगरसेवक प्रभाकर शिंदे यांच्या वतीने ज्येष्ठ वकील मुकुल रोहतगी यांनी सुप्रीम कोर्टाचे मुख्य न्यायाधीश एस.ए. बोबडे यांच्या अध्यक्षतेखालील खंडपीठासमोर युक्तिवाद केला. परिस्थिती समजून न घेता उच्च न्यायालयानं आपली याचिका फेटाळल्याचं ते म्हणाले होते. रोहतगी यांचे प्रारंभीचे युक्तिवाद ऐकून सुप्रीम कोर्टाने 21 जानेवारीला यावर विचार करण्याचे म्हटले होते. परंतु आज हायकोर्टाच्या निर्णयाला योग्य ठरवत शिंदे यांची याचिका सुप्रीम कोर्टाने फेटाळली आहे.
महत्वाच्या बातम्या
- दिशा रवी – ग्रेटा थनबर्ग यांच्यातील व्हॉट्सअप चॅट्स, वाचा Toolkit बाबत काय म्हणाल्या दोघी?
- रिहानाने पुन्हा खाल्ली माती, गळ्यात गणपतीचं पेंडंट घालून पोस्ट केला टॉपलेस फोटो
- शेतीला सुरळीत वीजपुरवठा पाहिजे असेल तर वीजबिल भरावेच लागणार ?
- पंतप्रधान पदावरच्या व्यक्तीने विरोधकांच्या भूमिकेवर यु-टर्न सारखी शेरेबाजी करणे शोभते का ?
- 15 व्या वर्षात घराबाहेर काढलेल्या कंगनाला नेटकऱ्यांनी केले पुन्हा ट्रोल
