उस्मानाबाद : काल (२७ मार्च) प्रसार मध्यमांशी संवाद साधत असतांना भाजपचे खासदार डॉ. सुजय विखे पाटील (Sujay Vikhe Patil) यांनी महाविकास आघाडी सरकारवर निशाणा साधत टीकास्त्रांचा वर्षाव केला. तसेच राष्ट्रवादी नवरा, शिवसेना बायको अन् काँग्रेस वऱ्हाडी, असे वर्णनही केले. दरम्यान, यावरून आता राजकीय वर्तुळात पुन्हा एकदा आरोप-प्रत्यारोपाला सुरुवात झाल्याचे चित्र बघायला मिळत आहे. याच पार्श्वभूमीवर आता काँग्रेसचे मंत्री अशोक चव्हाण (Ashok Chavhan) यांनी विखे-पाटील यांच्या टीकेला उत्तर दिले आहे.
यासंदर्भात प्रसार माध्यमांशी संवाद साधत असतांना अशोक चव्हाण म्हणाले की,‘सुजय विखे पाटील हे नवखे असून ज्या काँग्रेसवर ते टीका करत आहेत, त्या काँग्रेसमध्ये एकेकाळी त्यांचे सर्व कुटुंबच होते. त्यामुळे त्यांनी अशी टीका करण्यापेक्षा सकारात्मक भूमिका घ्यावी,’असे चव्हाण म्हणाले.
दरम्यान, ‘महाविकास आघाडीमध्ये राष्ट्रवादी काँग्रेस नवरा, शिवसेना बायको तर काँग्रेस ही जेवणापुरती आलेले वऱ्हाडी आहेत. नवऱ्याने दुसरी सवत आणू नये म्हणून शिवसेना मूकपणे अन्याय सहन करीत आहे. कितीही तिरस्कार केला तरी जेवणासाठी वऱ्हाडी म्हणून आलेली काँग्रेस हटायला तयार नाही’, असे सुजय विखे पाटील म्हणाले होते.
महत्वाच्या बातम्या
- “ज्यांना उद्योग नाही ते टीका करत असतात” – अजित पवारांनी सुजय विखेंना फटकारलं
- IPL 2022: आरसीबीवर शानदार विजय; कर्णधार मयंक मात्र गोलंदाजांवर भडकला!
- IPL 2022 : …म्हणून आम्ही हरलो! रोहितनं सांगितलं मुंबईच्या पहिल्या पराभवाचं कारण; नक्की वाचा!
- ऑस्कर पुरस्कार सोहळ्यात ‘या’ भारतीयाचा बोलबाला!
- मधमाशी पालन व्यावसायिकांना कृषी विज्ञान केंद्रांमधून मदतीचा हात!

