जुगारात पैसे हरल्याच्या नैराश्यातून परराज्यातील तरुणाची आत्महत्या

औरंंगाबाद : मोबाइलवरील जुगारात पैसे हरल्याच्या नैराश्यातून मध्यप्रदेशातील चालकाने गळफास घेऊन आत्महत्या केली. ही घटना सोमवारी मध्यरात्री दीडच्या सुमारास पळशीतील भुजंगराव पळसकर यांच्या घरात घडली. राजेश सुभाषप्रसाद साहु (वय ३०, रा. पळशी, मुळगाव खंडवा, नर्मदानगर, मध्यप्रदेश) असे चालकाचे नाव आहे.

गेल्या सहा महिन्यांपुर्वी कामाच्या शोधात राजेश साहु हा पत्नीसह शहरात आला होता. तो समृध्दी महामार्गावर चालक म्हणून काम करायचा. घराच्या गच्चीवर जाऊन तो नेहमी मोबाइलवर जुगार खेळत होता. पत्नी त्याला वारंवार गच्चीवर बोलावण्यासाठी जायची. मात्र, तो नेहमी तणावात असल्याचे दिसायचा. अशात तो ऑनलाईन जुगारात तब्बल अडीच लाख रुपये हरला होता.

त्याच्या नैराश्यातून त्याने मध्यरात्री गच्चीतील जिन्यात असलेल्या सळईला दोरीने गळफास घेतला. हा प्रकार निदर्शनास आल्यावर पत्नीने नागरिकांच्या मदतीने त्याला बेशुध्दावस्थेत घाटीत दाखल केले. मात्र, डॉक्टरांनी त्याला मृत घोषीत केले. या प्रकरणी चिकलठाणा पोलिस ठाण्यात आकस्मात मृत्यूची नोंद करण्यात आली आहे.

महत्त्वाच्या बातम्या

• मंत्रिमंडळ बैठकीत ठरलं ; राज्यातील हॉटेल्स, मॉल्स रात्री 10 पर्यंत सुरु राहणार
• देशभरात गेल्या तीन वर्षात एकूण 5,17,322 इलेक्ट्रिक वाहनांची नोंदणी
• भाजपमध्ये साईडलाईन झालेले विखे, हर्षवर्धन पाटील यांनी ‘या’ कारणासाठी घेतली अमित शाहांची भेट
• भाजप आमदाराच्या मतदारसंघात शिवसेनेची रणनीती; दिग्गजांचा शिवसेनेत प्रवेश!
• चित्रपटगृह, नाट्यगृह सुरु होणार ? ; ठाकरे सरकारची मंत्रिमंडळ बैठक सुरु