उसाचे ट्रॅक्टर उलटले, जालना रोडवरील वाहतूक तासभर खोळंबली

🕒 1 min read

औरंगाबाद : उसाने भरलेली ट्रॉली घेऊन भरधाव वेगाने जाणाऱ्या ट्रॅक्टरचे समोरील चाक फुटल्याने ते उलटले. हा अपघात बुधवारी (दि.१०) दुपारी साडेतीन वाजेच्या सुमारास सिडको उड्डाणपुलावर घडला. शहर वाहतूक शाखा पोलिसांनी वेळीच उड्डाणपुलावर धाव घेत वाहतूक पुलाखालून वळवली. त्यानंतर तासाभराने उलटलेला ट्रॅक्टर बाजूला करून उड्डाणपुलावरील वाहतूक सुरळीत केली.

उसाने भरलेली ट्रॉली घेऊन ट्रॅक्टर क्रमांक (एमएच-२०-एएस-३८९०) हा सिडको उड्डाणपुलावरून चिकलठाण्याकडे जात होता. सिडको उड्डाणपुलावरून ट्रॅक्टर जात असतांना ट्रॅक्टरचे समोरील चाक अचानक फुटल्याने वेगात असणारे ट्रॅक्टर आणि ट्रॉली रस्त्यावरच उलटली.

पुलावर उसाने भरलेली ट्रॅक्टरची ट्रॉली उलटल्यामुळे काही काळ वाहतूकीची कोंडी झाली होती. हा प्रकार लक्षात आल्यावर सिडको वाहतूक शाखेचे निरीक्षक कैलास देशमाने यांनी पथकासह घटनास्थळी धाव घेऊन सिडको उड्डाणपुलावरील वाहतूक पुलाखालून वळवली. जवळपास तासाभराने पोलिसांनी उलटलेला ट्रॅक्टर बाजूला करून उड्डाणपुलावरील वाहतूक सुरळीत केली.

महत्वाच्या बातम्या

• ई-रिक्षा चालवणारी कोण आहे ‘हि’ अभिनेत्री ?
• गावकऱ्यांच्या मागणीची सोनू कडून दखल; पकडून दिले वानर…
• राज्यात कॉंग्रेसला क्रमांक एकचा पक्ष बनविण्याचा पटोलेंचा दावा खरा ठरेल का ?
• राज्यपालांना विमान नाकारलं, अजित पवार म्हणतात…
• आणि कार्यकारी संचालकांनी राजिनामा दिला… चर्चेला उधान