जुन्या वादातून विद्यार्थ्याला बेदम मारहाण

औरंंगाबाद : पूर्ववैमनस्यातून तिघांनी विद्यार्थ्याला मारहाण केली. ही घटना १५ मार्च रोजी रात्री साडेआठच्या सुमारास दर्गा चौकाकडे जाणा-या रस्त्यावर घडली. आकाश राजू मगर (वय १९, रा. शिवाजीनगर) याचे मित्र गणेश आडसूळ, कृष्णा नायकल आणि शुभम पांचाळ यांच्यासोबत जुन्या कारणावरुन भांडण झाले. या भांडणातून तिघांनी मगरला दगडाने मारहाण केली. याप्रकरणी जवाहरनगर पोलीस ठाण्यात गुन्हा दाखल करण्यात आला आहे.

कारच्या धडकेत दुचाकीस्वार जखमी
कारच्या धडकेत दुचाकीस्वार जखमी झाला. हा अपघात २४ फेब्रुवारी रोजी रात्री आठच्या सुमारास जवाहरनगर भागात घडली. जवाहरनगर भागातून रात्री दुचाकीवर (एमएच-२०-एफआर-१३८६) जात होती. त्यावेळी पाठीमागून आलेल्या कार (एमएच-२०-ई-६८८८) चालकाने महिलेला धडक दिली. या अपघातात महिलेच्या डाव्या पायाला जखम झाली. याप्रकरणी जवाहरनगर पोलीस ठाण्यात गुन्हा दाखल करण्यात आला आहे.

कंपनीच्या गेटसमोरून दुचाकी लंपास
वॉटर फिल्टर कंपनीत कामाला गेलेल्या कामगाराची दुचाकी चोराने लांबवली. ही घटना २८ फेब्रुवारी रोजी रात्री सव्वासात ते पावणेनऊच्या सुमारास एमआयडीसी वाळुजमधील महावीर चौकात घडली. राहुल रामकृष्ण केंठे (वय २४, रा. साईनगर, सिडको) हा मधुर प्युअर फिल्टर वॉटर या कंपनीत कामाला आहे. त्याने कंपनीबाहेर दुचाकी उभी केली होती. चोराने त्याची दुचाकी अवघ्या सव्वातासाच्या अंतरावर हँडल लॉक तोडून लांबवली. याप्रकरणी एमआयडीसी वाळुज पोलीस ठाण्यात गुन्हा दाखल करण्यात आला आहे.

महत्वाच्या बातम्या

• जबरदस्तीने वीजबिल वासून कराल तर आम्ही कायदा हातात घेवू; राजू शेट्टींचा आक्रमक इशारा
• योगीजींच्या नेतृत्वात उत्तर प्रदेश निरंतर प्रगतीपथावर राहून ‘सर्वोत्तम प्रदेश’ बनावा – नाईक
• मुंबईत आज पासूनच कडक निर्बंध लागू होऊ शकतात – महापौर किशोरी पेडणेकर
• सचिन वाझे आणि हिरेन यांचे ‘ते’ सीसीटीव्ही फुटेज आले समोर
• कर्नाटकने महाराष्ट्रातून येणाऱ्या बसेसना बंदी घातली