🕒 1 min read
मुंबई : एनआयएकडून सचिन वाझे प्रकरणात कसून तपास करण्यात येत आहे. याप्रकरणी रोज एक नवीन माहिती समोर येत आहे. आता एनआयएने आणखी एक मर्सिडीज जप्त करण्यात आली आहे. त्यामुळे आतापर्यंत या प्रकरणा संबंधित ५ वाहने जप्त करण्यात आली असून, यापूर्वी एक मर्सिडीज, इनोव्हा, प्रॅडो आणि एक स्पॉर्पिओ गाडी जप्त करण्यात आली आहे.
त्यानंतर एनआयए आणि एटीएसने सीसीटीव्हींची तपासणी केली असता सीसीटीव्हीमध्ये सचिन वाझे आणि मनसुख हिरेन फेब्रुवारी महिन्यात काही मिनिटांसाठी भेटले असल्याचे फुटेजमध्ये दिसून आले आहे.
फेब्रुवारीला हिरेन आणि वाझे यांच्यात फोर्टमध्ये जीपीओजवळ मर्सिडीज कारच्या आत काही मिनिटं चर्चा झाल्याचं समोर आलं आहे. त्यानंतर हिरेन ओला कॅबने दक्षिण मुंबईत गेले होते. आपली स्कॉर्पिओ मुलूंड-ऐरोली रोडला बंद पडल्याचा दावा त्यांनी केला होता.
पुढे यामध्ये सचिन वाझे मुंबई पोलीस मुख्यालयातून मर्सिडीजमधून बाहेर पडताना दिसत आहेत. यानंतर त्याची गाडी सीएसएमटीबाहेर सिग्लजवळ उभी असल्याचं दिसलं आहे. सिग्नल सुरु झाल्यानंतर मर्सिडीज त्याच जागी उभी असते आणि वाझेंनी पार्किग लाईट सुरु करुन ठेवलेली असल्याचं सीसीटीव्हीत दिसत आहे.
मनसुख हिरेन काही मिनिटांनी रस्ता ओलांडून येतात आणि मर्सिडीजमध्ये बसतात. यानंतर मर्सिडीज जीपीओच्या समोर उभी असते. यानंतर हिरेन गाडीतून बाहेर पडतात आणि गाडी पुन्हा पोलीस मुख्यालयात प्रवेश करताना दिसत आहे.
मनसुख हिरेन यांनी सीएसएमटीला ज्या ओला कॅबने प्रवास केला त्या चालकाने एटीएसला माहिती सांगितले की ,हिरेन यांना प्रवासादरम्यान पाच वेळा फोन आला. हा फोन वाझे यांनी केल्याची शक्यता वर्तवण्यात आली आहे. हिरेन यांना पोलीस मुख्यालयासमोर रुपम शोरुमजवळ भेटण्यास सांगण्यात आले होते. पण नंतर शेवटच्या फोनला जागा बदलून सीएसएमटी करण्यात आल्याची माहिती देण्यात आली आहे.
महत्वाच्या बातम्या
- मुंबईत आज पासूनच कडक निर्बंध लागू होऊ शकतात – महापौर किशोरी पेडणेकर
- योगीजींच्या नेतृत्वात उत्तर प्रदेश निरंतर प्रगतीपथावर राहून ‘सर्वोत्तम प्रदेश’ बनावा – नाईक
- ‘आमच्यावर जो प्रेमाचा वर्षाव केला, तो अभुतपूर्व आहे’ बुमराह पाठोपाठ संजनानेही मानले आभार !
- यांच्यावर कारवाई होणार का? कोरोना तपासणी करणारे कर्मचारीच मास्कविना
- महाराष्ट्रात कोरोनाचा उद्रेक, मध्यप्रदेश सरकारने घेतला मोठा निर्णय…
बातम्यांसाठी YouTube चॅनेल Subscribe करा
Subscribe Now
