पुणे : काल मुंबईत राष्ट्रवादीचे अध्यक्ष शरद पवार यांच्या सिल्व्हर ओक या निवासस्थानी एसटी कर्मचाऱ्यांनी जोरदार आंदोलन केले. शरद पवार हाय हाय अशा घोषणा देण्यात आल्या. तर राज्य सरकारने लक्ष दिलं नाही म्हणून हे आंदोलन झाले असा आरोप भाजपच्या नेत्यांनी केला.
त्यावर उपमुख्यमंत्री अजित पवार यांनी प्रतिउत्तर दिलं आहे. आम्ही एसटी कर्मचाऱ्यांच्या अनेक मागण्या मान्य केल्या. अनेकदा चर्चेसाठी आवाहन केलं होतं, पण त्यांनी आमचं किंवा संघटनांच ऐकलं नाही, असं त्यांनी सांगितलं.
