भाजपवाले कधीपासून गांधीवादी झाले? शरद पवारांची खोचक टीका

मुंबई: राष्ट्रवादीचे खासदार अमोल कोल्हे (NCP MP Amol Kolhe) यांनी ‘व्हाय आय किल्ड गांधी’ या चित्रपटातील नथुराम गोडसेची भूमिका साकारल्याने त्यांच्यावर सर्वच स्तरातून टीका करण्यात येत आहे. आता हा मुद्दा थेट राष्ट्रवादीच्या भूमिकेचा बनला आहे. भाजपने यावरूनच राष्ट्रवादीने आपली भूमिका स्पष्ट करावी असे म्हटले आहे. आता यासर्व प्रकरणावर स्वतः शरद पवार (Sharad Pawar ) यांनी प्रतिक्रिया दिली आहे. तसेच त्यांनी भाजपच्या टीकेलाही प्रतिक्रिया दिली आहे.

भाजपने अमोल कोल्हे यांनी गांधींचे मारेकरी नथुराम गोडसे यांची भूमिका साकारली. त्यामुळे ते त्यांच्या भूमिकेशीही संमत आहे काय, असा सवाल केला आहे. तसेच भाजप आमदार अतुल भातखळकर यांनीही राष्ट्रवादी पक्षाला कोणतेही धोरण नाही, किंवा विचार नाही. शरद पवारांच्या आयुष्याचे धोरण फक्त सत्तेत राहणे एवढेच आहे. ज्या छगन भुजबळ यांनी एकेकाळी महात्मा गांधी यांचे पुतळे उखडून टाका आणि नथुराम यांचे पुतळे लावा, असे म्हटले होते त्या छगन भुजबळ यांना शरद पवारांनी काँग्रेसमध्ये बोलावून घेतले. अशी टीका केली आहे. मात्र आता शरद पवारांनी भाजपच्या सर्व आरोपांना प्रतिक्रिया दिली आहे.

भाजप हे गांधीवादी कधीपासून झाले? भाजपच्या संघ आणि त्यांचा इतिहास सर्वांना माहिती आहे. एक काळ असा होता की गांधींबाबत वेगळी भूमिका घेणाऱ्या ज्या शक्ती होत्या त्या शक्ती सध्या कुठे आहेत बघितलं पाहिजे, त्यावर त्यांनी बोलावं. असे शरद पवार यांनी म्हटले आहे. तसेच गांधी सिनेमा सगळ्या जगात गाजला. त्या सिनेमात सुद्धा नथुराम गोडसेची भूमिका होती. नथुराम गोडसेची भूमिका केली तो कलाकार होता. कलाकार म्हणून कोल्हेंच्या या भूमिकेकडे पाहिलं पाहिजे. तसेच छत्रपती शिवाजी महाराजांवरील चित्रपटात औरंगजेबाच्या भूमिकेत जो औरंगजेबाची भूमिका करतो. त्यात तो मुघलांचा समर्थक होत नाही, किंवा राम -रावणाच्या भूमिकेत रावणाची भूमिका करणाऱ्याने सीतेचं अपहरण केलं असं होत नाही. त्यामुळे अमोल कोल्हेंनी जी भूमिका केली ती कलावंत म्हणून केली. असे म्हणत शरद पवारांनी अमोल कोल्हे यांचे समर्थन केले आहे.

महत्वाच्या बातम्या: 

• थकीत वीजबील प्रकरणात महावितरण कर्मचाऱ्यांना मारहाण सावधान; आता दाखल होणार फौजदारी गुन्हा..!
• “राम-रावणाच्या भूमिकेत रावणाची भूमिका करणाऱ्याने सीतेचं अपहरण केलं असं होत नाही”, शरद पवारांनी केले अमोल कोल्हेंचे समर्थन
• पंतप्रधान नरेंद्र मोदींचा मोठा निर्णय! इंडिया गेटवर बसवला जाईल नेताजींचा भव्य पुतळा
• औरंगाबादेत धडकणार शिवसंवाद मोहीम; वॉर्डावॉर्डात होणार संघटनात्मक बांधणी..!
• “अमोल कोल्हेंच्या भूमिकेमुळे राष्ट्रवादीच्या आस्थेवर प्रश्न उपस्थित करू शकत नाही”