पंतप्रधान नरेंद्र मोदींचा मोठा निर्णय! इंडिया गेटवर बसवला जाईल नेताजींचा भव्य पुतळा

🕒 1 min read

नवी दिल्ली : इंडिया गेटवर नेताजी सुभाषचंद्र बोस यांचा पुतळा बसवण्यात येणार आहे. पंतप्रधान नरेंद्र मोदी यांनी ट्विट करून ही माहिती दिली आहे. त्यांनी आपल्या ट्विटमध्ये लिहिले की, जेव्हा संपूर्ण देश नेताजी सुभाषचंद्र बोस यांची १२५वी जयंती साजरी करत आहे, तेव्हा मला कळवताना आनंद होत आहे की, इंडिया गेटवर त्यांचा ग्रेनाइटचा भव्य पुतळा बसवला जाणार आहे. हे त्यांच्याप्रती भारताचे ऋणानुबंधाचे प्रतीक असेल.

पंतप्रधान नरेंद्र मोदी पुढे म्हणाले की, नेताजी बोस यांचा भव्य पुतळा पूर्ण होईपर्यंत त्यांचा होलोग्राम पुतळा त्याच ठिकाणी असेल. नेताजींच्या जयंतीदिनी २३ जानेवारीला मी होलोग्राम पुतळ्याचे अनावरण करेन.

अमर जवान ज्योतीच्या वादाच्या पार्श्वभूमीवर पंतप्रधानांची घोषणा

अमर जवान ज्योतीबाबत इंडिया गेटवर वाद सुरू असताना पंतप्रधान नरेंद्र मोदी यांनी ही घोषणा केली आहे. वास्तविक, सरकारने अमर जवान ज्योती राष्ट्रीय युद्ध स्मारकाच्या ज्योतीमध्ये विलीन करण्याचा निर्णय घेतला आहे. काँग्रेससह अनेक विरोधी पक्ष केंद्र सरकारच्या या निर्णयाला विरोध करत आहेत.

“आपल्या शूर जवानांसाठी जी अमर ज्योती जळत होती ती आज विझणार आहे, हे अत्यंत दुःखद असल्याचे काँग्रेस नेते राहुल गांधी यांनी म्हटले आहे. एकूण लोक देशभक्ती आणि त्याग समजू शकत नाहीत. हरकत नाही, आम्ही आमच्या सैनिकांसाठी अमर जवान ज्योती पुन्हा एकदा जाळू,”, असे राहुल गांधीनी मोदी सरकारवर टीका करताना म्हटले आहे.

इंदिरा गांधी यांनी १९७२ केले होते अमर जवान ज्योतीचे उद्घाटन 

१९७१ च्या भारत-पाक युद्धात शहीद झालेल्या भारतीय जवानांच्या स्मरणार्थ अमर जवान ज्योतीची स्थापना करण्यात आली. या युद्धात भारताचा विजय झाला आणि बांगलादेशची निर्मिती झाली. तत्कालीन पंतप्रधान इंदिरा गांधी यांनी २६ जानेवारी १९७२ रोजी अमर जवान जोतचे उद्घाटन केले होते.

महत्वाच्या बातम्या :

• औरंगाबादेत धडकणार शिवसंवाद मोहीम; वॉर्डावॉर्डात होणार संघटनात्मक बांधणी..!
• “अमोल कोल्हेंच्या भूमिकेमुळे राष्ट्रवादीच्या आस्थेवर प्रश्न उपस्थित करू शकत नाही”
• “शरद पवारांच्या आयुष्याचे धोरण फक्त सत्तेत राहणे एवढेच”, अमोल कोल्हेंच्या ‘त्या’ भूमिकेवरून अतुल भातखळकरांचा पवारांवर निशाणा
• अभिनेता आमिरने चारपट जास्त किंमत मोजून दिलं करिना कपूरला खास गिफ्ट!
• अमोल कोल्हेंनी साकारलेल्या गोडसेंच्या भूमिकेवरून वाद; तुषार गांधींची पहिली प्रतिक्रिया, म्हणाले…