बीड: माणुसकीला काळिमा फासणारा प्रकार अंबाजोगाई तालुक्यातील लोखंडी सावरगाव येथे घडला आहे. कोविड केअर सेंटरमध्ये कामाला असलेल्या एका ब्रदरने तिथेच काम करत असणाऱ्या एका नर्सचा विनयभंग केल्याची घटना घडली आहे. दीड महिन्यापासून पाठलाग करत असायचा त्यानंतर मंगळवारी रात्री थेट घरात घुसून त्याने तिचा विनयभंग केला.
पीडित नर्स सध्या लोखंडी सावरगावच्या रुग्णालयात कर्तव्य बजावत आहे. त्यांनी दिलेल्या तक्रारीनुसार, मागील दीड महिन्यापासून त्या राहत असलेल्या रूमचा रात्री-अपरात्री कुणीतरी दरवाजा ठोठावून जात असे. त्यांनी पाळत ठेवली असता त्यांच्यासोबत ब्रदर म्हणून काम करणारा अर्जुन अनंत फड (रा. दौंडवाडी, ता. परळी) हा दरवाजा ठोठावताना दिसून आला.
दुसऱ्या दिवशी पीडितेने अर्जुनला जाब विचारला असता तो तुमच्यासोबत लग्न करायचे म्हणू लागला. पीडितेने त्यास विवाहित असल्याचे सांगून यानंतर त्रास न देण्यासाठी बजावले. परंतु, अर्जुनने त्यांचा सतत पाठलाग सुरू केला. मंगळवारी रात्री साडेआठ वाजता पीडिता ड्यूटीवरून घरी परतली तेव्हा अर्जुनने घरात घुसून तिचा विनयभंग केला. या वेळी पीडितेने आरडाओरडा करण्याची धमकी दिली तेव्हा अर्जुनने तिला जिवे मारण्याची धमकी दिली व तिथून तो निघून गेला. याप्रकरणी पीडितेच्या तक्रारीवरून अर्जुन फड याच्यावर अंबाजोगाई ग्रामीण ठाण्यात विनयभंगाचा गुन्हा नोंदवला. अद्याप त्याला अटक केलेली नाही. पुढील तपास पीएसआय मोनाली पवार करत आहेत.
महत्वाच्या बातम्या
- दहावीच्या विद्यार्थ्यांसाठी मोठा निर्णय, ‘असा’ लागणार दहावीचा निकाल
- अश्विनने आयपीएलमधून बाहेर पडल्यानंतर केला खुलासा ; झोपेशिवाय 8-9 दिवस खेळला सामने
- बीडमध्ये कोरोनातून बरे होणाऱ्यांच्या संख्येत वाढ!
- अभिनेत्री झरीन खानच्या आईची तब्येत ढासळली; प्रार्थना करण्याचं केले आवाहान
- “काँग्रेस मंत्र्यांसाठी बहुजनांच्या हितापेक्षा दारू विक्रेत्यांकडून मिळणाऱ्या ‘मेव्या’चा ‘हेवा’ जास्त”
