मुंबई : राज्यात गेल्या काही दिवसांपूर्वी मोठा सत्ताबदल झाला. शिवसेनेतील तब्बल ४० आमदारांनी शिवसेना पक्षप्रमुख उद्धव ठाकरे यांना जय महाराष्ट्र करत मुख्यमंत्री एकनाथ शिंदे यांना पाठिंबा दर्शवत राज्यातील महाविकास आघाडी सरकारमधून बाहेर पडले. यानंतर शिंदे गटाने भाजपसोबत युती करत सरकार स्थापन केलं. पुढे ४० आमदार आमच्या सोबत आहेत. म्हणून आमची शिवसेना हि खरी शिवसेना आहे, असा दावा शिंदे गट करू लागलं आहे. तर दुसरीकडे राजकीय वर्तुळातून दररोज नवे गौप्यस्फोट होत आहेत. शिवसेना खासदार ओमराजे निंबाळकर यांनी आता मोठं वक्तव्य केलं आहे.
यावेळी ओमराजे निंबाळकर म्हणाले कि, आम्हाला देखील खोका, पेटी, कॅबिनेट मंत्री, राज्यमंत्री पदाची ऑफर होती. मात्र आम्ही शिवसेनेबरोबर प्रतारणा केली नाही. आम्ही शिवसेनेशी एकनिष्ठ राहिलो असं ओमराजे निंबाळकर यांनी म्हटलं आहे. सध्या अनेक नेते शिवसेनेतून शिंदे गटात दाखल होत आहेत. या नेत्यांना शिंदे गटातून ऑफर मिळत असल्याचा आरोप महाविकास आघाडीतील नेत्यांकडून करण्यात येत आहे.
दरम्यान, गेल्या काही दिवसांपासून दसरा मेळाव्यावरून राज्याचं राजकीय वातावरण तापलं आहे. दसरा मेळाव्यात शिवसेना आणि एकनाथ शिंदे गट दोन्ही गट आपली ताकद दाखवण्याच्या तयारीत आहेत. यावेळी दोन शिवसेना गट तयार झाल्याने दसरा मेळावा कोण घेणार? अशी चर्चा राजकीय वर्तुळात रंगली आहे. दोन्ही गट मूळ शिवसेनेचेच असल्याचा दावा करत आहेत.
महत्वाच्या बातम्या :
- Trupti Desai | भाजप नेत्याच्या फार्महाऊसवर अल्पवयीन मुलीवर अत्याचार, प्रकरण दाबण्याचा प्रयत्न – तृप्ती देसाई
- Shivsena । अमित शहा शिवसेनेला जमिनीत गाडण्याची भाषा करतात आणि शिंदे व त्यांचे ‘स्वाभिमानी’ लोक टाळ्या वाजवतात…
- Eknath Shinde | “ठाकरे गटाला जशास तसे उत्तर द्या”, मुख्यमंत्री एकनाथ शिंदेंचा आदेश
- Varun Sardesai | “उद्धव ठाकरे पंतप्रधान होतील याच भीतीने भाजपने शिवसेना फोडली”
- Navneet Rana | नेटकरी संतापले! नवनीत राणांनी गणपती बाप्पांना गढूळ पाण्यात अक्षरश: फेकून दिलं
