मुंबई – खा.शरद पवार हे राज्याच्याच नव्हे देशाच्या राजकारणातील एक मोठं नाव आहे. विशेषतः कृषी क्षेत्रातील योगदान आणि त्यांच्या कार्यासाठी त्यांचं नेहमीच कौतुक केलं जातं. त्यांच्या कृषी क्षेत्रातील योगदानाचा गौरव दोन तरुण वनस्पती शास्त्रज्ञांनी अनोख्या पद्धतीने केला आहे.
सह्याद्री पर्वत रांगेत कोल्हापुरातील दोन युवा प्राध्यापक वनस्पतीशास्त्रज्ञांनी नव्या वनस्पतीचा शोध लावला असून या वनस्पतीला माजी केंद्रीय कृषिमंत्री शरद पवार यांच्या नावे समर्पित करण्यात आले आहे.
कोल्हापूरमधील दोन तरुण संशोधक डॉ. विनोद शिंपले व डॉ. प्रमोद लावंड यांनी या वनस्पतीचा शोध लावला आहे. सह्याद्रीच्या पर्वतरांगांमध्ये प्रथमच आढळलेली ही वनस्पती आहे.
दरम्यान,ही वनस्पती गारवेल कुळातील आहे.अशा प्रकारच्या वनस्पती फक्त आशियातच आढळतात. या वनस्पतीला जुलै ते सप्टेंबर दरम्यान फुले येतात आणि डिसेंबरपर्यंत ही वनस्पती फळे देते.
या वनस्पतीच्या शोधाची माहिती कालिकत विद्यापीठामधून प्रकाशित होणाऱ्या रिडीया या आंतरराष्ट्रीय विज्ञान ग्रंथामधून प्रकाशित करण्यात आली आहे.
दरम्यान, खासदार सुप्रिया सुळे यांनी याबद्दल ट्विटरवरुन संशोधकांचे आभार व्यक्त केले.“सह्याद्रीच्या पर्वतरांगांमध्ये आढळणाऱ्या एका वनस्पतीचा शोध डॉ. विनोद शिंपले आणि डॉ प्रमोद लावंड यांनी लावला असून त्याला आदरणीय शरद पवार साहेबांचे नाव दिले आहे. आता ही वनस्पती ‘अजेंरिया शरदचंद्रजी’ या नावाने ओळखली जाईल. या दोन्ही संशोधकांचे मी मनापासून आभार मानते असे त्यांनी म्हटले आहे.
सह्याद्रीच्या पर्वतरांगांमध्ये आढळणाऱ्या एका वनस्पतीचा शोध डॉ विनोद शिंपले व डॉ प्रमोद लावंड यांनी लावला असून त्याला आदरणीय @PawarSpeaks साहेबांचे नाव दिले आहे. आता ही वनस्पती 'अजेंरिया शरदचंद्रजी' या नावाने ओळखली जाईल.या दोन्ही संशोधकांचे मी मनापासून आभार मानते. pic.twitter.com/Ovb3BnQU4u
— Supriya Sule (@supriya_sule) April 1, 2021
महाराष्ट्र हे आपले कुटुंब आहे असं आदरणीय साहेब मानतात.असा आदर व सन्मान केवळ कुटुंबातच होऊ शकतो. या दोन्ही संशोधकांनी नव्या वनस्पतीचे संशोधन साहेबांच्या नावे समर्पित केले.याचा मला नितांत आदर आहे असं देखील त्यांनी म्हटले आहे.
महत्वाच्या बातम्या
- ‘अशक्य ते शक्य’ करणारे रजनीकांत हे चित्रपट व जनमनातलेही महानायक – अजित पवार
- उदयनराजेंना दणका, महाविकास आघाडी सरकारने घेतला ‘हा’ मोठा निर्णय
- ‘चिंता नको… ! पवारसाहेब उपचारांना चांगला प्रतिसाद देत आहेत’
- पुण्यात कोरोनाचा उद्रेक ! उद्या कडक निर्बंध लागणार ?
- मराठमोळी अभिनेत्री भार्गवी चिरमुले दिसणार आता या हिंदी मालिकेत
