🕒 1 min read
सांगली : राज्यासह देशभरात पुन्हा एकदा कोरोना संसर्गाने थैमान घातला आहे. कोरोनाच्या दुसऱ्या लाटेत राज्यातील स्थिती गंभीर झाली असून रुग्णालयांमध्ये बेड्स, ऑक्सिजन, औषधांचा तुटवडा निर्माण झाला असून आरोग्य व्यवस्थेवर देखील मोठा ताण निर्माण झाला आहे. राज्यात १५ मे लॉकडाऊन लागू करण्यात आला असून अत्यावश्यक सेवांसह जीवनावश्यक (किराणा, भाजीपाला आदी) वस्तूंच्या खरेदी साठी ठराविक काळात सूट देण्यात आली आहे.
दरम्यान, परिस्थिती आटोक्यात आणण्यासाठी आता राज्यातील विविध भागांमध्ये स्थानिक प्रशासन कठोर निर्णय घेत आहे. सांगली मनपा क्षेत्रात बुधवारपासून(५ मे) जनता कर्फ्यू लागू करण्यात येणार आहे. सांगली-कुपवाड महापालिका क्षेत्रात मोठ्या प्रमाणावर वाढणाऱ्या रुग्णाच्या संख्येच्या पार्श्वभूमीवर सर्व लोकप्रतिनिधी आणि मनपा प्रशासनाने हा निर्णय घेतला आहे.
बुधवार दिनांक ५ मे पासून सात दिवस जनता कर्फ्यू लागणार आहे. जनता कर्फ्यूच्या काळात 11 वाजेपर्यंत किराणा व भाजी विक्रीसाठींहोम डिलिव्हरीला परवानगी देण्यात येणार आहे. तर, बारामतीत देखील येत्या बुधवारपासून (५ मे ) सात दिवसांचा कडक लॉकडाऊन लागू करण्यात येणार आहे. मेडिकल आणि दवाखाने वगळता सर्व आस्थापना बंद ठेवण्यात येणार आहेत. वाढत्या कोरोना पार्श्वभूमीवर बारामती प्रशासनाने निर्णय घेतला असून ५ मे ते ११ मे दरम्यान हा कडक लॉकडाऊन करण्यात येणार आहे. तर, दूध विक्रीसाठी सकाळी 7 ते 9 वाजेपर्यंत मुभा देण्यात येणार आहे.
महत्वाच्या बातम्या
- संजय राऊतांची बेळगाव आणि पश्चिम बंगालवर बोलण्याची औकातच नाही; शेलार कडाडले
- लस उत्पादन ही विशेष प्रक्रिया आहे त्यामुळे एका रात्रीतून उत्पादन वाढवणं शक्य नाही – अदर पूनावाला
- मोठी बातमी : नंदीग्राममधील पराभवानंतर ममता बॅनर्जींचा धक्कादायक खुलासा…
- निर्बंध लावूनही औरंगाबादेत परिस्थिती ‘जैसे थे’! संचारबंदीतही ‘इतक्या’ रुग्णांची वाढ
- पवारांच्या अदृश्य हातांनी काँग्रेस भूईसपाट झाली; भाजप नेत्याचा टोला
