टीम महाराष्ट्र देशा : महाराष्ट्राचे उपमुख्यमंत्री अजित पवार आपल्या खास शैलीसाठी प्रसिद्ध आहेत.ती म्हणजे त्यांचे बोलणे अगदी मनाला आले तसे बोलून मोकळे होणारे अजित पवार यांची आज विधानसभेत चांगलेच टोलेबाजी केली.अजित पवार म्हणाले की ‘भारतीय जनता पक्षाला मध्य प्रदेशाप्रमाणे महाराष्ट्रात ज्योतिरादित्य शिंदे यांच्यासारखा नेता सापडणार नाही. ही शोधाशोध करण्याच्या नादात त्यांचे आमदारच फुटतील.
काल भाजप नेते सुधीर मुनगंटीवार यांनी शिवसेनेला फसवल्याची चूक मान्य केली होती. तसेच ती चूक दुरूस्त करणे शक्य असल्याचे नमूद करत महाराष्ट्रातील सत्ताबदलाचे संकेत दिले होते. त्याचा आज समाचार घेताना अजित पवार यांनी चुकीला माफी नाही, असे चांगलेच समजावून सांगितले.
तसेच त्यांच्या मताला उद्धव ठाकरे यांची संमती असल्याचे सभागृहाला दाखवून दिले. त्यानंतर भाजपवर प्रहार करताना ते म्हणाले, तुम्ही मध्य प्रदेशप्रमाणे बघत असाल तर ते इथे शक्य नाही. तुमच्या मागच्यांना सांभाळण्याकडे लक्ष द्या, नाहीतर मागचे पटापट गायब होतील.अजित पवार आणि सुधीर मुनगंटीवार यांची जुगलबंदी चांगलीच अनुभवायला मिळाली.
हेही पहा:
बातम्यांसाठी YouTube चॅनेल Subscribe करा
Subscribe Now
