टीम महाराष्ट्र देशा- शिवसेनेचे नेते खासदार संजय राऊत यांनी आयोध्येमध्ये कोणत्याही परिस्थितीत राम मंदिर उभारणारच असे म्हटले आहे.नुकत्याच झालेल्या लोकसभा निवडणुकीत पंतप्रधान नरेंद्र मोदी यांना जनतेने स्पष्ट बहुमत दिले आहे. त्यामुळे आमच्यासाठी मोदीजीच सुप्रीम कोर्ट आहेत, अशी प्रतिक्रिया संजय राऊत यांनी दिली आहे.
संजय राऊत पत्रकारांशी बोलताना म्हणाले की, राम मंदिर उभारण्याचा शुभ मुहूर्त जवळ आला आहे. पंतप्रधान नरेंद्र मोदी आणि उत्तर प्रदेशचे मुख्यमंत्री योगी आदित्यनाथ यांच्या नेतृत्वाखाली आयोध्या येथे राम मंदिराच्या उभारणीला सुरुवात होईल. देशातील जनतेने मोदींना बहुमतात निवडले आहे. त्यामुळे तेच आमचे सुप्रीम कोर्ट आहेत असं त्यांनी म्हटलं आहे.
