मुंबई : नेहमीच राजकीय मैदानात ‘रोखठोक’ भूमिका घेणारे शिवसेना खासदार संजय राऊत(Sanjay Raut) हे सध्या लेकीच्या लग्नाच्या धावपळीत व्यस्थ आहेत. संजय राऊत यांची मुलगी पूर्वशी राऊतचे उद्या(२९ नोव्हें.)लग्न होणार आहे. दरम्यान मुलीच्या लग्नाच्या निमित्ताने आयोजित संगीत कार्यक्रमात राऊतांनी थेट राष्ट्रवादी काँग्रेसच्या खासदार सुप्रिया सुळेंसोबत(Supriya Sule) ठुमके लावले आहेत. तसेच दोघांच्या डांन्सचा हा व्हिडीओ सध्या सोशल मीडियावर मोठ्या प्रमाणात व्हायरल होत आहे.
ठाण्याचे जिल्हाधिकारी राजेश नार्वेकर यांचे चिरंजीव मल्हार यांच्याशी पूर्वशीचा विवाह होणार आहे. मल्हार हे आयटी इंजीनियर असून त्यांचा स्वतंत्र व्यवसाय असल्याची माहिती सूत्रांकडून मिळाली आहे. तर, पूर्वशी राऊत या उच्चशिक्षित असून ‘ठाकरे’ चित्रपटाच्या निर्मात्या आहेत.
लेकीच्या लग्नाच्या निमित्ताने आयोजित कार्यक्रमात संजय राऊतांचा सुप्रिया सुळेंसोबत डान्स @rautsanjay61 @supriya_sule @ShivSena @NCPspeaks pic.twitter.com/4iZ5jQc31K
— Shivraj Yadav | शिवराज यादव ????????????️ (@shiva_shivraj) November 28, 2021
दरम्यान, लग्नापूर्वी आयोजित संगीत कार्यक्रमात अनेक नेत्यांनी हजेरी लावली. यावेळी सुप्रिया सुळेंनी केलेल्या आग्रहास्तव संजय राऊत यांनी ठेका धरत डान्स केला. यावेळी त्यांच्या पत्नी वर्षा राऊतदेखील उपस्थित होत्या. सुप्रिया सुळेंनी आग्रह केल्यानंतर त्यांनीदेखील डान्स करत आनंद लुटला.रेनेसाँ या सप्ततारांकित हॉटेलमध्ये हा संगीत कार्यक्रम आयोजित करण्यात आला होता.
महत्वाच्या बातम्या:
- …या दोन वर्षांत प्रकृती बिघडली ती राज्यातील विरोधी पक्षाची- संजय राऊत
- ‘विरोधी पक्षाची गेल्या दोन वर्षांतील अचिव्हमेंट काय?’, संजय राऊतांचे टीकास्त्र
- ‘कितीही संकटं येवोत, सर्वसामान्यांना केंद्रबिंदू मानून राज्य सरकार काम करीत राहणार’
- हिंदूंची संख्या आणि ताकद कमी होत आहे- मोहन भागवत
- संयुक्त किसान मोर्चाच्या बैठकीसाठी शेतकरी नेते राकेश टिकैत झाले मुंबईत दाखल
