मुंबई : क्रुझ ड्रग्ज पार्टी प्रकरणानंतर राष्ट्रवादी काँग्रेसचे प्रवक्ते आणि अल्प संख्यांक मंत्री नवाब मलिक यांनी एनसीबीचे अधिकारी समीर वानखेडे यांना बोगस कागदपत्रांच्या मुद्द्यांवरून घेरले त्यामुळे त्यांना मोठ्या अडचणींचा सामना करावा लागला. त्यातच आता भीम आर्मीनेही वानखेडेंच्या अडचणी वाढवल्या आहेत.
समीर वानखेडे यांनी बोगस प्रमाणपत्रं दाखवून सरकारी नोकरी बळकावली असून त्यांच्यावर कारवाई करण्याची मागणी भीम आर्मीने केली आहे. समीर वानखेडे यांनी नोकरी मिळवण्यासाठी ते एससी असल्याचं सांगितलं होतं. आरक्षण मिळवण्यासाठी वानखेडे यांनी बनावट कागदपत्रे दाखवली होती, असा आरोप भीम आर्मी आणि स्वाभिमानी रिपब्लिकन आर्मीने केला आहे. या दोन्ही संघटनांनी जिल्हा जात पडताळणी समितीकडे तक्रारही केली आहे.
नवाब मलिक यांनी समीर वानखेडे आणि त्यांच्या वडिलांच्या जातीच्या प्रमाणपत्रावर संशय व्यक्त केल्यानंतर दोन दिवसांपूर्वी वानखेडे दिल्लीत गेले होते. यावेळी त्यांनी राष्ट्रीय मागासवर्ग आयोगाचे अध्यक्षांची भेट घेतली होती. आयोगाच्या अध्यक्षांना सर्व कागदपत्रे सादरही केली होती. आयोगाने या प्रकरणाची गंभीर दखल घेऊन कागदपत्रांची चौकशी सुरू केली. मात्र, त्यापूर्वीच वानखेडेंवर आरोपांमागून आरोप होत आहेत.
महत्वाच्या बातम्या
- ‘शिवसेनेनं एक निवडणूक काय जिंकली, लगेच पंतप्रधानपदाची स्वप्नं पाहायला लागलीय
- त्यांना शुभेच्छा देतो पण त्यांनी फुसके फटाके फोडू नयेत- प्रसाद लाड
- ‘पंतप्रधानपदाच्या स्वप्नाची भाषा करणाऱ्यांनी शिवलेले कोट २०२४ साली भांडीवाल्याला देण्यासाठी तयार राहावं’
- ’40 नेत्यांचे घोटाळे बाहेर काढणार, 1 जानेवारीला महाराष्ट्र घोटाळामुक्त करणारच’
- ‘100 रुपये वाढवायचे आणि 5 रुपये कमी करायचे, हे कसलं मोठं मन??’
