मुंबई : खासदार संभाजीराजे छत्रपती(Sambhajiraje Chhatrapati) मराठा आरक्षणासंदर्भात मागील काही महिन्यांपासून मराठा समाजातील अनेक दिग्गजांच्या भेटी घेत होते. त्यापूर्वी त्यांनी मराठा आरक्षणासाठी आंदोलन देखील केले होते. दरम्यान, याचविषयी आज(१४ फेब्रु.)मोठा खुलासा करणार असल्याचे संभाजीराजे यांनी ट्विटकरुन सांगितले होते. दरम्यान, मराठा आरक्षणासाठी २६ फेब्रुवारीला मी स्वतः आमरण उपोषणाला मुंबईतील आझाद मैदानात बसणार असल्याची घोषणा आज संभाजीराजेंनी केली आहे.
#मराठा_आरक्षण व समाजाच्या इतर अनुषंगिक मागण्यांबाबत समाजातील सर्व क्षेत्रातील मुख्य घटकांशी विचार विनिमय करून मी माझी पुढील दिशा ठरविलेली आहे ; याबाबतची सविस्तर पत्रकार परिषद… https://t.co/nodCzPv7V5
— Sambhaji Chhatrapati (@YuvrajSambhaji) February 14, 2022
आज घेतलेल्या पत्रकार परिषदेत संभाजीराजे म्हणाले की,‘२००७ पासून मी संपुर्ण महाराष्ट्र पिंजून काढला आहे. मराठा समाज देखील वंचित घटक आहे. त्यासाठीच आरक्षणाची भूमिका घेतली. मी मराठा आहे म्हणून मराठा आरक्षणासाठी लढतो आहे असे नाही. ५ मे २०२१ ला आरक्षण रद्द झाले. मागील काही दिवसांत अनेकवेळा आंदोलनं केली. परंतू अजूनही कोणतीच मागणी पूर्ण नाही. मी आत्तापर्यंत आक्रमक होतो परंतू आता मी उद्विग्न झालो आहे. त्यामुळेच मराठा आरक्षणासाठी २६ फेब्रुवारीला मी स्वतः आमरण उपोषणाला मुंबईतील आझाद मैदानात बसणार असल्याची’, असे संभाजीराजे म्हणाले.
#मराठा_आरक्षण व समाजाच्या इतर अनुषंगिक मागण्यांबाबत समाजातील सर्व क्षेत्रातील मुख्य घटकांशी विचार विनिमय करून मी माझी पुढील दिशा ठरविलेली आहे ; याबाबत उद्या, दि. १४ रोजी स. ११ वा. मुंबई येथे पत्रकार परिषद घेऊन ती स्पष्ट करणार आहे.
— Sambhaji Chhatrapati (@YuvrajSambhaji) February 13, 2022
दरम्यान, ‘मराठा आरक्षण व समाजाच्या इतर अनुषंगिक मागण्यांबाबत समाजातील सर्व क्षेत्रातील मुख्य घटकांशी विचार विनिमय करुन मी माझी पुढील दिशा ठरविलेली आहे. याबाबत उद्या १४ फेब्रुवारीला सकाळी अकरा वाजता मुंबई येथे पत्रकार परिषद घेऊन ती स्पष्ट करणार आहे’, असे संभाजीराजे आपल्या ट्विटमध्ये म्हणाले होते.
महत्वाच्या बातम्या :
- सागर बंगल्यावर आंदोलन करणाऱ्या कॉंग्रेसचा ताफा पोलिसांनी अडवला; कार्यकर्त्यांची धरपकड
- “काही दिवसांत भाजपचे साडे तीन लोक अनिल देशमुखांच्या कोठडीत असतील”, संजय राऊतांचा मोठा दावा
- IPL AUCTION 2022: बँगलोरचा ‘रॉयल’ संघ प्रतिस्पर्धीना चॅलेंज देणार
- “गजवा-ए-हिंदचे स्वप्न पाहणाऱ्यांचे…”, योगी आदित्यनाथांचे मोठे वक्तव्य
- IPL AUCTION 2022: आगामी हंगामासाठी ‘या’ संघासह होणार हैद्राबादचा सनराईस
