Rohit Pawar | “शरद पवारांनी जादुटोणा केल्याच्या बावनकुळेंच्या वक्तव्यावर रोहित पवार संतापले; म्हणाले,

🕒 1 min read

Rohit Pawar | अहमदनगर :  भाजपचे नेते चंद्रशेखर बावनकुळे (Chandrashekhar Bawankule) यांनी राष्ट्रवादीचे सर्वेसर्वा शरद पवार यांच्याबद्दल खळबळजनक वक्तव्य केलं आहे. शरद पवार भोंदूबाबा असून त्यांनीच उद्धव ठाकरे यांच्यावर जादूटोणा केला असल्याचं बावनकुळे म्हणालेत. यावर रोहित पवार यांनी संताप व्यक्त केला आहे. रोहित पवार (Rohit Pawar) यांनी डॉ. नरेंद्र दाभोलळकर यांचा फोटो ट्विट करत बावनकुळेंना चांगलंच सुनावलं आहे.

रोहित पवार (Rohit Pawar) म्हणाले, “अंधश्रद्धा व जादूटोणाविरोधी कायदा ज्यांच्यामुळे संमत झाला त्या डॉ.नरेंद्र दाभोलकरांच्या साताऱ्यात भाजपा प्रदेशाध्यक्षांची जादूटोण्याची भाषा पुरोगामी महाराष्ट्राला काळीमा फासणारी आणि महाराष्ट्राचा व या कायद्याचा अवमान करणारी आहे. शिवाय जादूटोणाविरोधी कायद्यालाच हे आव्हान आहे.”

अंधश्रद्धा व जादूटोणाविरोधी कायदा ज्यांच्यामुळे संमत झाला त्या डॉ.नरेंद्र दाभोळकरांच्या साताऱ्यात भाजप प्रदेशाध्यक्षांची जादूटोण्याची भाषा पुरोगामी महाराष्ट्राला काळीमा फासणारी आणि महाराष्ट्राचा व या कायद्याचा अवमान करणारी आहे. शिवाय जादूटोणाविरोधी कायद्यालाच हे आव्हान आहे. pic.twitter.com/84WfRtgZM6

— Rohit Pawar (@RRPSpeaks) November 11, 2022

पुढे ते म्हणतात, “आता याबाबत राज्य सरकार काय करतं याकडं सर्वांचं लक्ष लागलंय! राज्यातले प्रकल्प गुजरातला नेऊन प्रगतीच्या बाबतीत महाराष्ट्राला मागं आणण्याचा प्रयत्न तर भाजपकडून सातत्याने होतच आहे, पण विचारांच्या बाबतीतही महाराष्ट्राला मागं आणण्याचा त्यांचा डाव स्पष्ट दिसतोय,” असा आरोप रोहित पवार (Rohit Pawar) यांनी केला आहे.

काय म्हणाले होते चंद्रशेखर बावनकुळे?

राष्ट्रवादीचा राज्यात बेईमानीतून सत्ता बनवण्याचा प्रयत्न होता. तो त्यांनी यशस्वी केला. म्हणजे उद्धव ठाकरे यांच्यावर एकप्रकारे जादूटोणा करण्याचा हा प्रकार होता. तो त्यांनी केला, असं चंद्रशेखर बावनकुळे (Chandrashekhar Bawankule) म्हणालेत. त्या जादूटोण्यामुळे उद्धव ठाकरे त्यांच्यासोबत गेले. शरद पवार हेच या जादूटोण्याचे भोंदूबाबा असल्याचं ते अप्रत्यक्षपणे म्हणाले. एकदा शरद पवारांच्या ताब्यात कोणी आला तर तो सुटत नाही, असा अशी बोचरी टीका त्यांनी केली होती.

महत्वाच्या बातम्या :

• Jitendra Awhad Arrest | मोठी बातमी : जितेंद्र आव्हाड पोलिसांच्या ताब्यात ; नेमकं प्रकरण काय ?
• Chandrashekhar Bawankule | राष्ट्रवादीत अजित पवार नाराज?; बावनकुळे म्हणाले, “ते काय सांगतील आणि…”
• Car Tips | बजेटमध्ये कार शोधत असला, तर ‘या’ गाड्या आहेत सर्वोत्तम पर्याय
• Chandrashekhar Bawankule | “ठाकरेंवर राष्ट्रवादीचा जादूटोणा, शरद पवार भोंदूबाबा”; चंद्रशेखर बावनकुळेंचं खळबळजनक विधान
• Sushma Andhare | देवेंद्र फडणवीसांंवर वर्कलोड जास्त, त्यांना गृहमंत्रीपद झेपत नाही ; सुषमा अंधारे यांची टीका