नाशिक: राष्ट्रवादीत आल्याने मी टेन्शन फ्री झालो आहे,नाहीतर भाजपात कधी चौकशी लागेल याची भीती होती.अशी मनातील भावना भाजप बंडखोर आणि नुकतेच राष्ट्रवादी कॉंग्रेसवासी झालेले जेष्ठ नेते एकनाथ खडसे यांनी आज नाशिक दौऱ्यावर असताना माध्यमांकडे बोलून दाखवली आहे.
भाजपाला सोडचिठ्ठी देऊन खडसेंनी शुक्रवारी राष्ट्रवादी काँग्रेसमध्ये प्रवेश केला आहे. राष्ट्रवादीचे सर्वेसर्वा खासदार शरद पवार यांच्या उपस्थितीत हा पक्षप्रवेश झाला.प्रदेशाध्यक्ष जयंत पाटील यांच्या हस्ते खडसेंना प्रवेश देण्यात आला.
खडसे पुढे म्हणाले की, राष्ट्रवादीत आल्याने मी टेन्शन फ्री झालो आहे, भाजपात कधी काय चौकशी लागेल याची भीती होती.तसेच अजित पवार आणि जितेंद्र आव्हाड यांच्या नाराजीच्या बातम्या बघून माझी आणि शरद पवारांची खूप करमणूक झाली, असं देखील त्यांनी म्हटले आहे.
मला पक्ष न सोडण्यासाठी कोणीही फोन केला नाही. फक्त भाजपचे प्रदेशाध्यक्ष चंद्रकांत पाटील यांनी फोन केला होता. अन्यथा कोणालाही माझी गरज नव्हती. साधा संघटन मंत्र्यांचाही फोन आला नाही, तो आला असता तर मी किमान भाजपा सोडण्याचा फेरविचार केला असता. आता भाजपमध्ये यूझ अॅन्ड थ्रोची पद्धत आहे, अशी टीका देखील एकनाथ खडसे यांनी भाजपावर केली आहे.
१२ ते १५ माजी आमदार माझ्या संपर्कात आहेत आणि ते लवकरच राष्ट्रवादीत येतील, असा दावा एकनाथ खडसे यांनी केला आहे.आता खड्सेंसोबत भाजपात येणारे हे आमदार कोण ? हे पाहणे औत्सुक्याचे ठरणार आहे.
महत्वाच्या बातम्या
- बोले तैसा चाले … : फडणवीस सरकारी रुग्णालयातच घेताहेत कोरोनावरील उपचार
- लोकं काही सुधारेनात : मास्क न लावणाऱ्या लोकांकडून कोट्यावधी रुपयांची दंड वसुली
- कांद्याच्या दरात वाढ : बफर साठ्यातून कांदा आणण्याला सरकारकडून गती
- खडसे साहेब शेतकरी कमकुवत झाला आहे, तिथं तुमची ताकद दाखवा – प्रवीण दरेकर
- पक्षात येवून कष्ट करण्याची भूमिका नाथाभाऊंनी व्यक्त केलीय – शरद पवार
