…तर पश्चिम बंगालमध्ये भाजपचे १७० उमेदवार निवडून आले असते – रामदास आठवले

मुंबई : पश्चिम बंगाल मध्ये भाजपचे 3 आमदार होते. या विधानसभा निवडणुकीत तिथे 3 वरून 78 आमदार भाजप चे निवडून आले आहेत. त्यामुळे पश्चिम बंगाल मध्ये 75 आमदार अधिक निवडून आणणे हे भाजपचे यश आहे.मात्र या निवडणुकीत पश्चिम बंगाल मधून काँग्रेस आणि डावी आघाडी यांचा सुपडा साफ झाला आहे.डाव्या आघाडीने जर मते मिळविली असती तर थोड्या मतांच्या फरकाने हारलेल्या जागा भाजप ला जिंकता येऊन 170 उमेदवार भाजप चे विजयी झाले असते असे विश्लेषण रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी केले.

महाराष्ट्रात मंगळवेढा पंढरपूर विधानसभा मतदारसंघाच्या पोटनिवडणुकीत भाजप चे समाधान अवताडे भरघोस मतांनी निवडून आल्याबद्दल रामदास आठवले यांनी समाधान व्यक्त केले आहे. महाराष्ट्रात पश्चिम बंगाल मध्ये ममता दीदींनी केला तसा राजकीय चमत्कार लवकरच होईल असा दावा रामदास आठवले यांनी केला. यापूर्वी एकदा अजीतदादा आणि देवेंद्र फडणवीस एकत्र आले होते त्याचा हवाला देत भविष्यात राष्ट्रवादी काँग्रेस आणि भाजप पुन्हा एकत्र येऊन राज्यात सत्तांतराचा चमत्कार होण्याची शक्यता नाकारता येणार नाही असे रामदास आठवले म्हणाले.

आसाम मध्ये भाजपला पुन्हा बहुमत मिळवून सत्ता स्थापन होणार आहे. तर पोंडीचेरीमध्येही भाजप एनडीएला बहुमत मिळाले आहे. दक्षिणेत कमल हसन या दिगग्ज अभिनेत्याचा भाजपच्या महिला नेत्याने पराभव केला आहे. महाराष्ट्रा सह अन्य राज्यांत झालेल्या पोटनिवडणुकीत भाजपला चांगले यश मिळाले आहे. अवघ्या देशाचे लक्ष लागलेल्या पश्चिम बंगाल विधानसभा निवडणुकीत 3 वरून 78 आमदार निवडून येणे याला अपयश कसे म्हणता? भाजप चे मताधिक्य आणि आणि तब्बल 75 जागा अधिक जिंकून 78 आमदारांची संख्या लाभलेल्या भाजपला पश्चिम बंगालमध्ये हे यश लाभले आहे. त्यामुळे देशात आजही पंतप्रधान नरेंद्र मोदी यांच्या नेतृत्वाची लोकप्रियता कायम आहे असा दावा रामदास आठवले यांनी केला आहे.

महत्वाच्या बातम्या 

• ‘चंद्रकांत पाटील यांच्या वक्तव्यामुळे न्यायपालिकाही त्यांच्या हाती आहे का? असा प्रश्न निर्माण होतो’
• मोठी बातमी : नंदीग्राममधील पराभवानंतर ममता बॅनर्जींचा धक्कादायक खुलासा…
• संजय राऊतांची बेळगाव आणि पश्चिम बंगालवर बोलण्याची औकातच नाही; शेलार कडाडले
• लस उत्पादन ही विशेष प्रक्रिया आहे त्यामुळे एका रात्रीतून उत्पादन वाढवणं शक्य नाही – अदर पूनावाला
• धक्कादायक! काश्मीरमध्ये कार्यरत असलेल्या जवानाची हिंगोलीत आत्महत्या